E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Dhuna e policisë ndaj Sazan Gurit/ Ibsen Elezi: Çuçi do bënte çiçin, puna e drurit është me plan

7 Janar 2021, 11:05, Aktualitet CNA

Ish kreu i Partisë Demokratike në Kukës Isben Elezi ka reaguar ashpër ndaj Policisë së Shtetit dhe dhunës së ushtruar prej tyre ndaj protestuesve ditën e djeshme, ku disa qytetarë ishin mbledhur para Kryeministrisë dhe kërkonin transparencë për çështjen e detit.

Një nga protestuesit që ngeli i dëmtuar nga dhuna policore ishte edhe ambientalisti Sazan Guri, i cilë është dëmtuar në pjesën e brinjëve.

Përmes një postimi në rrjetin social Facebook, ish kreu i PD Kukës ka ndarë pak nga momentet e protestës, ku shprehet se policë civilë që futeshin mes turmës qëllonin protestuesit për t?i larguar.

Por duke kujtuar problemet shëndetësore të Sazan Gurit dhe dhe ndërhyrjet kirurgjikale që ai ka bërë pak kohë më parë, Isben Elezi shprehet se ministri i ri i Brendshëm është me fat që ambientalisti arriti të shpëtonte i gjallë.

?Mos u merzit se do mberrijne edhe te Ti !

Dje pas protestes se ores 17 e 30, ku Akademia “Rrenjet Tona” i kerkonte Kryeministrit transparence ne lidhje me cfare po ndodh me detin, u dhunua prof. Sazan Guri.

Ndonese shume paqesor, ndonese ju deklaroi se ishte i semure dhe mund t’ju mbeste ne dore, nuk i shpetoi ushtrimit dhunes nga “polic” civil qe gjenden ne mes te protestueseve dhe godasin.

Ishte me “fat” edhe Çuçi mbreme, pasi per pune centimetrash profesori nuk u perplas me koke te kolona por me brinje te shkallet. Them me fat se perndryshe Çuçi do bente Çiçin.

Te kaluara Prof.Sazani jo per nderhyrjen ne zemer 3 jave me pare, por per rastin e djeshem, megjithese e kruajte vete, po ti beje patriotin si ata mijera qe cdo dite ne FB apo sdudio japin mend, apo vrasin e presin Serb e Grek e ku di une cfare.

65 vjeç, me regjim shtrati, del dhe “kruhesh” me “policet civil” dhe perfundon te spitali i Traumes, e ke fajin vete “o Cane”?, shkruan Elezi.

Ish kreu i PD shton më tej se kryeministri Edi Rama do të urdhërojë ushtrimin e dhunës derisa askush më të mos ngrihet kundër tij, duke shtuar se për para po shesin edhe veten e tyre e jo më detin dhe interesat e shqiptarëve.

?Te kam thene prof. se kjo puna e drurit eshte me plan, te kam thene se Rama e ka personale dhe do te dal te pakten baras, nuk e harron drurin qe i dhane ne Janar te 97.

Do i zhdep ne dru te gjithe sa mos te mbetet gjel qe ti kendoj ne ket drejtim.

Do e provojne te gjithe prof, o hurin o drurin, ceshtje kohe, dhe mire jua ben.

Kerkon “transparence” nga keta “njerez” pa identitet qe se dine cfare jane e c’duan ne jete. Keta per para dhe me urdher te padronve japin prapanicen e jo me detin dhe interesat e shqiptareve?, shkruan Elezi./CNA.al