E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Aplikimi i teknologjisë në zgjedhje/ Nënkomisionerja: Do të lidhim kontratë me kompaninë “Smartmatic”

6 Janar 2021, 15:06, Aktualitet CNA

Me përmbylljen e fazës së parë të tenderit për implementimin e teknologjisë në zgjedhje është zbuluar kompania e vetme e cila ka paraqitur ofertën e saj për të marrë përsipër këtë proces. Bëhet fjalë për kompaninë ?Smartmatic?, e cila ka paraqitur një ofertë prej rreth 20 milionë USD për të realizuar identifikimin biometrik në të gjithë vendin.

Lidhur me këtë proces, nënkomisionerja e zgjedhjeve, Lealba Pelinku në një intervistë për Euronews Albania theksoi, se tashmë oferta e dhënë nga kjo kompani angleze do të vlerësohet nga një grup pune i ngritur në KQZ dhe më pas do të merret vendimi nëse në 25 prill do të kemi përdorim të teknologjisë ashtu siç kërkohet nga Kodi Zgjedhor.

?Një kompani rezulton të ketë paraqitur ofertë dhe hapi i radhës është vlerësimi i kësaj oferte dhe dokumentacionit të paraqitur nga kompania nga ana e Komisionit të Vlerësimit të Ofertave, komision ky, i cili duhet të shqyrtojë përputhshmërinë e ofertës në raport me kriteret e vendosura dhe eventualisht do të kemi kualifikim të kompanisë sipas përmbushjes së kritereve. Hapat pasardhës janë shpallja e fituesit dhe më pas negocimi i Autoritetit Kontraktor pranë KQZ me kompaninë në fjalë”, shtoi ajo.

Edhe pse jemi më pak se 4 muaj nga data e zgjedhjeve dhe mund të rrezikohet identifikimi biometrik, Lealba Pelinku siguroi se implementimi i teknologjisë në zgjedhje do të jetë i mundur në rast se çdo gjë do të shkojë sipas parashikimeve dhe do të lidhet kontrata me kompaninë ?Smartmatic?.

?Nëse çdo gjë do të përfundoj me sukses, pra, do të kemi kualifikim të operatorit, do të kemi negociata të suksesshme që do të terminojnë me lidhjen e kontratës, dhe koha në dispozicion është e vërtetë se është e ngushtë, por duke ditur edhe karakteristikat, që janë kërkuar për pajisjet dhe sistemin është mëse e mundur të realizohet në kohën, që ka ngelur në dispozicion?, thotë ajo.

Ndërkohë sa i përket procesit paralel me identifikimin biometrik, Pelinku sqaroi se deri më tani ende nuk është përcaktuar qarku ku do të bëhet pilotimi për votimin dhe numërimin elektronik, pasi ende nuk kanë ardhur propozimet nga partitë politike.

?KQZ nuk ka të identifikuar qarqet, apo qarkun në të cilin do të implementohet projekti pilot i votimit dhe numërimit elektronik?, shtoi ajo.

Koha e përcaktuar për të vendosur për kompaninë që do të marrë përsipër implementimin e teknologjisë në zgjedhje është deri në mesin e muajit janar./CNA.al