E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Basha nis takimet me aleatët/ Mediu: Në zgjedhje do të hyjmë me dy lista

6 Janar 2021, 15:32, Politikë CNA

Lulzim Basha ka vendosur të mos presë 7 shkurtin, ditën e regjistrimit të partive në KQZ për zgjedhjet e 25 prillit, por ka nisur takimet me aleatët e tij.

Formula e koalicionit dhe pozicionimi i aleatëve në lista janë 2 nga çështjet që janë në tryezën e diskutimit, për të cilën kreu i demokratëve po negocion personalisht me aleatët.

Kreu i Partisë Republikane, Fatmir Mediu ka reaguar pas takimit me Bashën, duke thënë se për një nevojë të demokratëve për koalicion, duke shtuar se marrëdhënia nuk duhet konsideruar si pazar.

?Nëse ka një subjekt politik që ka nevojë për koalicion, sot është Partia Demokratike. Pavarësisht se siç mund të mendojnë sondazhet apo idetë, këto do të vijnë në një racionale që kanë të bëjnë me zgjedhjet, deri në ditën e fundit të votimit, deri kur të numërohet vota e fundit. Mënyra e ndërtimit të koalicionit nuk është pazar. Koalicionet ndërtohen mbi bazën e elementëve faktikë që kanë tq bëjnë me peshën elektorale të gjithsecilit subjekt?, tha Mediu për “ABC News”.

Në disa qarqe opozita do të dakordësojë emrat për të marrë sa më shumë vota, por çështja e listave për Mediun tashmë është përcaktuar.

?Kam bindjen që duhet të dalim me dy lista, por mund të kombinojmë qarqe të caktuara për shkak të interesit reciprok të dy listave, pra mund të kombinojmë mënyrën e angazhimit elektoral?, u shpreh Mediu.

Ka bindjen se çdo parti aleate do të duhet të ketë 140 kandidatë, ndonëse jo të gjithë do gjejnë veten në listat.

?Pavarësisht se kush do të jetë në listën e deputetëve çdo subjekt politik duhet të ofrojë 140 figura të tjera konkurruese në mënyrë që të jenë mbështetje të kandidatëve kryesorë , që ta maksimalizojnë votën dhe të garantojnë zgjedhje të lira e të ndershme si edhe fitoren e opozitës?, tha më tej Mediu.

15 shkurti është afati final që opozita të dorëzojë në Komisionin Qendror të Zgjedhjeve kompozimin e koalicionit të saj, ndërkohë që krahas dokumentit ligjor që do të dorëzohet në KQZ, aleatët dhe Lulzim Basha pritet të nënshkruajnë një kontratë morale bashkëpunimi para dhe pas betejës elektorale të 25 prillit./CNA.al