Analiza e mandateve/ LISTA BASHA-LSI, një humbje për PD-në

6 Janar 2021, 18:53, Opinione CNA

Janë dy mënyra sesi PD dhe LSI mund të paraqiten në zgjedhje. Më listë të përbashkët ose më dy lista, ku PD të këtë në krah aleatët e djathtë historikë si PR, LZHK etj, dhe LSI të mbledhë disa parti të majta dhe të zgjidhë edhe problemin e qëndrimit të PBDNJ dhe PDIU në koalicione të ndryshme.

Lulzim Basha ka zgjedhur të gënjejë të tijët deri tani se do ketë dy lista sepse kështu maksimalizohet vota, por shpesh dëgjohet edhe varianti që palët do jënë në një listë të vetme, kjo e dyta sa garantuese për maksimalizim vote është edhe vetë-vrasëse për PD.

Mandate për LSI

Së pari problemi qëndron tek LSI, e cila do kërkojë minimalisht mandatet e vitit 2017 të cilat i ka marrë në përplasje të madhe me dy forcat kryesore politike PS dhe PD, pra 19 mandate.

Kështu LSI nga ana e saj ruan mandatet që ka megjithëse mund të ketë më pak vota sipas të gjitha pritshërive që mbështeten në përçarjen e LSI, largimet si dhe drejtimin e çoroditur dhe me ngrënie veshësh nga Monika Kryemadhi, pa folur për lajthitjet e Ilir Metës.

Këtu mund të shtojmë edhe faktin se LSI kurrë nuk ka mundur të shtojë dhe manksimalizojë votat e saj në aleancë me PD edhe kur ka qenë në pushtet, palët midis tyre nuk kanë një bashkëpunim të mirë në struktura, përkundrazi në bazë ka përplasje deri në konflikte që vështirë se kapërcehen.

Njërzit e LSI më mirë e lehtë votojnë Ramën e PS sesa PD dhe Bashën, kjo edhe për faktin se janë një çetë majtistësh të dashuruar më hajdutërinë. Jo se Luli nuk mund t?ja u garantojë këtë, por më kollaj e kanë kur e gjejnë gati tek Rama.

Pra dalja me një listë të përbashket ku LSI të kishte 17 deri 19 mandate duket një aventurë vrasësë për PD, kjo e pasuar edhe nga aleatët e tjerë.

Aleatët e Bashës

Dalja me gjithë aleatët e tjerë, pra përveç LSI në koalicion të jetë PDIU, LZHK, PR, PAA, PDK, PBDNJ etj. Do sjellë lëshime mandatesh të tjera nga Lulzim Basha në listat fituese.

Janë gati 7 aleatë, ku PDIU pretendon më shumë se një vend apo PAA, çka çon një një llogari të thjeshte me minimumi 7 mandate deri në 10 për aleatët.

Me një llogari të thjeshtë janë minimalisht nga 24 deri në 29 mandate që aleatët i marrin në tavolinë.

Opozita Topalli-Patozi

Topalli dhe Patozi, apo Murrizi duket se do jenë në një koalicion të përbashkët. Pra një tjetër faktor opozitar ku qëllimi do jetë të goditet Rama por edhe Basha e Meta.

Këta dy të fundit si pazarxhinjtë e Rilindjes dhe Basha si ortak i Ramës e Meta ortak pushteti kur, ku e si të mundët. Ky fluks opozitarësh mund ti sjellë një rrjedhje të madhe votash PD-së e koalicionit që do krijojë Luli me LSI. Aty ku nuk do mund të sigurohen mandate minimalisht disa mijëra vota do i ikin Lulit dhe Monës, duke u?a bërë të vështirë deri në të pamundurt fitorën.

Çfarë humb PD?

Duke analizuar faktorët e mësipërm, por edhe pakënaqësinë në publik ndaj Ramës, llogaritë në çdo lloj formë me një koalicion të përbashkët e çojnë PD-në në një dobësim i cili, mund të jetë edhe më i dhimbshëm se 2017.

Luli dhe LSI plus disa aleatë në rast se do të fitonin më të paktën 75 mandate, PD do kishte rreth 50 mandate plus minus dy.

E në rast të një garë të fituar ngushtë nga opozita PD do ishte gati tek mandatet e 2017 e brishtë dhe peng i orekseve të LSI dhe aleatëve ku rruga e Partisë Demokratikë duket një malore e madhe ku njerëzit e saj shtyjnë karrocën e pushtetit ngarkuar me njerëzit e LSI dhe aleatë që marrin e shpërndajnë pushtet për tu forcuar më tej në kurriz të rrudhjes të PD.

Fatkeqësisht për këtë të fundit duket se tashmë nuk po mendon askush, loja është pushteti i cili edhe me llogarinë e fitores të zgjedhjeve e çon PD drejt humbjes.

Pa folur për humbjen e PD që duket në sfond me apatinë e Bashës që shpreson se pushteti do i vijë në tavolinë nga pakënaqësia që kanë ndaj Ramës dhe aleanca me LSI. Këto nuk mjaftojnë për të fituar, por deri tani diçka është e sigurt PD do humbasë shumë./CNA.al