web counter
LEXO PA REKLAMA!

SHKARKO APP

App Store
Google Play

E fundit!

x

Prezantimi i Bledi Shkëmbit, legjenda korçare: Më vjen mirë që klubi do të ndjekë hapat e Skënderbeut

4 Janar 2021, 11:59, Sport CNA

Bledi Shkëmbi është prezantuar në drejtim të Ballkanit në Kosovë. Korçari ka marrë edhe zyrtarisht drejtimin e klubit të Superligës kosovare, teksa në fjalën e tij para medieve ka theksuar se është një nder që do të stërvisë lojtarët dhe falenderon klubin për besimin.

I ngacmuar në krahasimin me Skënderbeun, Shkëmbi shprehet besimplotë se Ballkani do ndjekë hapat e korçarëve. Më herët Shkëmbi ka drejtuar Lirinë e Prizrenit dhe Teutën.

?Falenderoj drejtuesit për besimin. Është një kënaqësi dhe një ditë e kam ditur se do kthehesha në Kosovë pas trajnimit të Lirisë. Këtu objektivat janë të mëdha dhe është një klub me objektiva tëqarta. Vij me dëshirën dhe bindjen se këtu do kem sukses.

Klubi dhe skuadra kanë bërë një punë të shkëlqyer, futur edhe ish-trajnerin Munishi që kam shumë respekt. Do i mëshojmë shumë objektivit sepse është bërë një punë e madhe, duhet të kemi edhe fatin në krah.

Kampionati në Kosovë ka bërë hapa të mëdha përpara se nga koha kur isha unë. Kisha bindjen se kjo gjë do të ndodhte. Në Shqipëri kanë filluar të ndjekin edhe futbollin këtu.

Titulli? Jam i bindur se jemi në garën për titull dhe lojtarët kanë treguar se e duan këtë gjë, ekipi është i kompletuar. Nëse do isha nga dita e parë e krijimit të skuadrës nuk do kisha asnjë pikëpyetje për lojtarët që janë, kanë atë çka duhet për titullin.

Skënderbeu i ri? Duhet shumë punë për të arritur në hapat e Skënderbeut. Jemi në hapat e duhur. Është kënaqësi që unë si një ish-I Skënderbeut të stërvis një klub që do të ndjekë ato hapa. Është kënaqësi që të stërvis këta djem?, tha Shkëmbi. Pas Devolli dhe Duros, Shkëmbi bëhet trajneri i radhës nga Shqipëria që drejton në elitës e futbollit të Kosovës.





Lajmet e fundit nga