E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

"Sjellje e ulët nga kolegët", shpërthen Egbo: Bënë çmos të mos dilja kampion me Tiranën e të më zinin vendin

2 Janar 2021, 11:38, Sport CNA

Një nga personazhet e vitit 2020 në sportin shqiptar ka qenë padyshim Emanuel Egbo, nën drejtimin e të cilit Tirana arriti të kthehej te titulli kampion që i mungonte prej shumë vitesh. Një histori e bukiur, por edhe një aventurë që u mbyll në mënyrë të çuditshme me shkarkimin e tij pak muaj pasi nxori bardheblutë kampionë.

Në një intervistë të dhënë për FAX Sport, Egbo ka treguar pjesë të kësaj aventure, por nuk ka munguar edhe kritika ndaj atyre që e penguan në këtë rrugëtim.

?Trajnerët janë gjithmonë gati me çantën në dorë, e kam ndjerë në momentin që kam marrë drejtimin se e dija që do të vijë një ditë si ajo. Pastaj si kam lëvizur nga Tirana është diçka tjetër.

Ndryshimet te Tirana? Nuk jam unë që duhet të shpjegojë e të japë përgjigje, duhet ta japin pronarët e admnistratorët e klubit, thuhet në futboll që ekipi fitues nuk ndërrohet. Ata duhet të japin përgjigje për ndryshimet. Ndoshta ata që kanë lëvizur nuk kanë dashur të ishin pjesë e klubit dhe ndoshta nuk ishin të kënaqur me çfarë po ndodhte dhe kanë vendosur të largohen.

Tiran e Dedes? Unë nuk do bëj si bëjnë disa trajnerë që shkojnë në studio televizive dhe më vjen keq prej disave, sidomos edhe ata që janë me experience. Kam parë disa që shkojnë në studio televizive dhe hajde të sulmojmë këtë që nuk është i yni e hajde mbështetim këtë tjetrin.

Kush janë? Shkoni e shihni intervistat që kanë bërë disa analistë. Por kam thënë që nuk do e bëj asnjëherë këtë pjesë, të shkoj e të shpreoj që të shkarkohet ai e të marr vendin e tij. Është një fenomen që ndodh shpesh në kampionatin shqiptar, është diçka shumë e ulët për t?u bërë, sidomos për një koleg. Ka trajnerë të mirë në Shqipëri që janë të rinj e nuk u është dhënë mundësia, duhet ndryshuar nëse duan të ecin para, do të doja të ndërronte ky mentalitet. Ka nga ata që kanë bërë çmos që të mos dalë Tirana kampion e Egbo si trajner i Tiranës, nuk mund ta them se kush janë. Mendoj se është shumë e dukshme, e shihni nga komentet, nga analizat që janë bërë e gjërat që janë thënë. Jo Egno nuk është trajneri, a ka licencë, është trajner portierësh, etj. Unë arrita t?ua tregoja atyre dhe ndaj them që nuk jam njeri që kam bërë polemika, kur janë bërë sulme unë kam qenë i qetë. Kam ditur të tregoj që kam marrë licencën, e kam marrë dhe para tyre e duhet t?u jap leksion e ata duhet të më pyesin si e kam fituar kampionatin, jo të më sulmojnë?, tha ndër të tjera Egbo i cili tregoi gjithashtu se po bënte një libër me historinë e tij në Shqipëri.