web counter
LEXO PA REKLAMA!

SHKARKO APP

App Store
Google Play

Bruksizmi/ Dy probleme shëndetësore që fshihen pas kërcitjes së dhëmbëve

2 Janar 2021, 10:40, Lifestyle CNA

Nga Dr. Ketiona Agaj, mjeke stomatologe

Pasi mbarova shkollën dhe nga eksperiencat e para që pata në klinikë, mu krijua bindja që fërkimi dhe ngrënia e dhëmbëve shkaktohet vetëm nga stresi.
Trajtimi do ishte me shinat e tejdukshme të buta që mbahen natën dhe që ndërrohen vazhdimisht.

Nëse analizojmë fjalën ” trajtim ” në fakt ky nuk është fare një trajtim. Kërcitja e dhëmbëve është një simptomë e një situatë mjekësore më serioze, e cila nuk duhet të injorohet kurrsesi.

Kërcitja e dhëmbëve tregon se si njerëzit flenë gjatë natës. Për të qenë më korrekt, tregon një çrregullim të gjumit dhe pamjaftueshmëri me oksigjen të trurit.

Kjo situatë njihet me emrin Sindroma e Rezitencës së Rrugëve të Sipërme të Frymëmarrjes. Dhe është shumë më e shpeshtë nga sa mund ta mendoni. Edhe pacientët e vegjël dy vjeç mund të kenë një situatë të tillë mjekësore.

Simptomat përfshijnë:
-ngrënien e dhëmbëve
-përgjumje gjatë ditës, vështirësi në të përqëndruar.
-probleme të tretjes, konstipacion, fryrje barku, Sindromi Crohn
-këmbë dhe duar të frohta
-dhimbje koke, migrenë
-ankth, depresion
-hundë kronike të bllokuar
-dhimbje muskulare

(Kur plotësohen tre ose më shumë nga këto simptoma quhet sindromë)

Sot stresi kronik është shumë i zakonshëm. Të lidhësh kërcitjen e dhëmbëve vetëm me stresin nuk është profesionale. Ke lënë jashtë investigimit Sindromën e Rezistencës së Rrugëve të Sipërme Respiratore.
Gjatë gjumit trupi duhet të largojë metabolitet që janë formuar gjatë ditës në tru. Në gjendjen e rezistencës me oksigjen të reduktuar kjo nuk ndodh.

Fatëmirësisht ne kemi fuqinë e dijes për të investiguar siç duhet një problem oral dhe mjetet për të përmirësuar jetën e pacientit.

Përpara se të ndërroni shinën e natës të rradhës mendohuni dy herë pasi nuk jeni duke u trajtuar siç duhet./CNA.al





Lajmet e fundit nga