web counter
LEXO PA REKLAMA!

SHKARKO APP

App Store
Google Play

Zgjedhjet e 25 prillit, KQZ nxjerr shifrat/ Mijëra qytetarëve iu ka skaduar karta e ID

31 Dhjetor 2020, 18:03, Aktualitet CNA

Kur na ndajnë vetëm katër muaj nga zgjedhjet e ardhshme parlamentare të 25 prillit 2021, janë mijëra qytetarë që ende nuk ka rinovuar kartën e ID.

Në total janë 873 mijë qytetarë shqiptarë që iu ka skaduar karta dhe nuk e kanë rinovuar. Në 25 prill do iu skadojë karta e identitetit plot 190 mijë shtetasve. Gjithashtu KQZ thekson se 10% e këtyre shifrave janë persona që kanë ndërruar jetë dhe një pjesë tjetër jetojnë jashtë Shqipërisë.

Për të përfituar gjithë shërbimet, si dhe për të marrë pjesë në zgjedhjet e 25 prillit çdo qytetar me të drejtë vote duhet të ketë një kartë identiteti të vlefshme. Atyre që tashmë iu ka skaduar ky dokument duhet të nxitojnë të aplikojnë në zyrat e kompanisë koncesionare.

“Po ju dërgoj për njohje përgjigjen e dërguar nga Drejtoria e Përgjithshme e Gjendjes Civile në lidhje me numrin total të shtetasve të cileve u ka skaduar dokumenti i identifikimit dhe ende nuk e kane rinovuar deri ne date 31.12.2020, si dhe numri total i shtetasve të cilëve, dokumenti u bëhet i pavlefshëm deri në datë 25 prill 2021”, thuhet në njoftimin e KQZ./CNA.al





Lajmet e fundit nga