E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Rama me qeveri politike në zgjedhje

29 Dhjetor 2020, 12:33, Politikë CNA

Kryeministri Edi Rama sot ka njoftuar dy ndryshimet e fundit në qeveri, pra plotësimin e ministrisë së Jashtme, zyrtarisht me një minister, pasi detyrën e ushtronte Gent Cakaj, i padekretuar nga presidenti Ilir Meta si dhe suprizën e dytë, e cila ishte rikthimi i Niko Peleshit në qeveri.

Në fakt, qeveria e Ramës në prag të këtyre zgjedhjeve duket më politike se kurrë më parë nga Edi Rama. Ndoshta që nga hapat e para të tij në qeveri në vitin 2013, kryeministri nuk e kishte qeverinë e tij me kaq shumë përfaqësi politike, po të kemi parasysh të deleguarit e qarqeve të cilët do të jenë edhe shtylla kryesore e fushatës elektorale që tashmë ka filluar.

Kryeministri Rama ka vendosur zëvendës së tij, Erion Braçen i cili është një nga drejtuesit kryesorë të qarkut të Fierit së bashku me Gramoz Ruçin, kreun e Kuvendit. Aktualisht detyrën e ministres së Punëve të Jashtme e ka marrë Olta Xhaçka, ish ministrja e Mbrojtjes e cila do të mbulojë qarkun e Dibrës.

Një emër i ri në ministrinë e Mbrojtjes është Niko Peleshi i cili drejton qarkun e Korçës por bashkëngjitur ka ministrin e Shtetit për Mbrojtjen dhe Sipërmarrjen, i cili është Eduart Shalsi.

Blendi Çuçi pak ditë më parë është bërë ministër i Brendshëm, ky i fundit drejton qarkun e Gjirokastrës.

Pa harruar këtu lëvizjen e pak javëve më parë, të Evis Kushit, një personazh politik i fortë e cila së bashku me Taulant Ballën i cili është edhe kreu i grupit Parlamanetar të PS, do të drejtojnë qarkun e Elbasanit.

Një grup ministrash si Elisa Spiropali, Belinda Balluku, Etilda Gjonaj drejtojnë Tiranën.

Arben Ahmetaj duket se do të jetë njeriu që do të mbulojë Kavajën, pra do të jetë në Tiranë së bashku me Ogerta Manastirliun e cila mbulon njësinë numër 9. Nga ana tjetër po të vazhdojmë të shikojmë më tej kabinetin qeveritar, Blendi Klosi drejton qarkun e Beratit.

Po të shikojmë dy apo tre pika të tjera të lëna disi më zbuluar, ndoshta është Shkodra me Ilir Beqajn i cila ka qenë ministër.

Vlorën, kryeministri ja ka besuar drejtimin e fushatës Damian Gjiknurit, ish ministër dhe ministres së Ekonomisë dhe Financave, Anila Denaj.

Ende i pazbuluar duket Kukësi por në këtë qark PS nuk mund të marrë më pak se 1 mandat për shkak të vetë zonës.

Pra, të gjitha emrat e përfshirë në kabinetin qeveritar gjatë lëvizjeve të fundit të bëra në kryeministri kanë si qëllim një konfigurim politik të qeverisë dhe një peshë sa më të madhe për drejtuesit që do të kenë në dorë fushatën në qarqe.

I gjithë kabineti qeveritar ku përfshihen 16 persona së bashku me kryeministrin duken qartazi se është politik dhe personat e përfshirë në qeveri janë shtyllat kryesore të fushatës. Gjithçka duket e qartë dhe me e kthjellët dhe e gjithë qeveria duket se është një strukturë e fortë politke e ndarë nëpër qarqe për ?të luftuar? si një ekip për të siguruar mandatin e tretë për Edi Ramën./CNA.al

Ndryshime në qeveri/ Dorëhiqet Cakaj, Peleshit i besohet një tjetër Ministri