E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Dhuna ndaj artistëve/ Budina paralajmëron rikthimin e protestave, ja kur nis

20 Dhjetor 2020, 08:39, Aktualitet CNA

Pas dhunës së ushtruar mbrëmjen e djeshme nga policia ndaj aktivistëve, regjizori Robert Budina ka paralajmëruar rikthimin e protestave në vend.

Në një lidhje për Fax News, Budina tha se protesta do të nisë sot në 18.00 para Ministrisë së Brendshme.

?Këto janë fakte që e rëndojnë pozitën e qeverisë dhe janë shkelje flagrante e të drejtave të qeverisë, ndaj kemi thirrur një reagim. Duhet të hetohet nga vetë policia për punonjësit e policisë.

Të merret dhuna në komisariat. Ergys Mërtirit i kanë fshirë videot. Janë dhunuar në komisariat, janë sharë me fjalë të ndyra. Ne do të kërkojmë dorëheqjen e Veliut, drejtorit të përgjithshëm, të reformohet Policia e Shtetit. Nuk ka ndodhur asgjë për të ushtruar atë dhunë.
Ne do dalim të mbrojmë të drejtat tona sot në protestë, të qytetarëve dhe artistëve. Protesta do të mbahet në orën 18.00 para Ministrisë së Brendshme.?

Ndërsa Ergys Mërtiri, i cili filmoi gjithçka tha se janë dhunuar 2 persona në mënyrë brutale pa asnjë arsye apo shkak. Sipas Mërtirit, arsyeja e vetme përse e shoqëruan në polici ishte për ti fshirë videot se ishin prova që tregonin dhunën e efektivëve.

?Janë dhunuar vetëm 2 persona. Ishte dhunë brutale, e egër.

Unë jam marrë në polici dhe kur i pyesja se për cfarë po më merrnin, thonin ta shpjegojmë në komisariat. Nuk ma tregonin, ndërkohë që më kishin marrë telefonin me dhunë dhe kur shkova në komisariat, më dhanë telefonin dhe më nxorën. Aty vura re se videot e mia janë fshirë. Ka shpëtuar vetëm një video ku Donaldi ishte live në faqen e Aleancës.

Njëri thoshte që e kam krahun e lënduar, ndërsa ata ia përthyenin më keq. Po mos të isha unë, kushedi cdo i kishin bërë dhe u afrova ti pyes se përse po e merrnin qytetarin. Kur shkova unë, më thanë provoje se do ta pësosh dhe ti. Më pas erdhën të tjerë nga Aleanca dhe ndodhi ajo që ndodhi.

Videot u fshinë sepse tregonin të gjithë brutalitetin e policisë, si kërcënonin të tjerët përreth, si godisnin. Ishte për të shmangur provat e egërsisë së tyre. Unë kështu e mendoj se nuk ka asnjë arsye pse duhet të merresha në polici. I thashë që jam gazetar dhe kam të drejtë. Ky shtet është policor dhe janë shenjat e një shteti që nuk janë në shërbim të qytetarit, por duke ushtruar një detyrë politike për të bërë zap qytetarët?, tha ai./CNA.al