E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Dhoma Kombëtare e Avokatisë një tjetër dëshmi e “Rumpallës në Drejtësi”

18 Dhjetor 2020, 13:26, Aktualitet CNA

Për javën që lamë pas eventi më i diskutuar, në shoqërinë shqiptare kryesisht atë kryeqytetase, në rrjetet sociale apo edhe mediat televizive, ishin protestat e zhvilluara kundër vrasjes së 25 vjecarit, Klodian Rasha.

Gjithashtu, objekt diskutimi në lidhje me këto protesta ka qënë edhe shqetësimi i ngritur për sa i përket procedimit penal të një numri relativisht të lartë të të rinjve dhe veçanërisht personave të mitur.
Ajo që ka rënë në sy dhe është konsideruar si shqetësim për mbarë opinionin publik në lidhje me këto shoqërime apo procedime penale ka qënë, së pari mungesa e ambjenteve dhe kapaciteteve të komisariateve dhe së dyti, shqetësim i cili mori edhe një vëmendje ndërkombëtare, ishin abuzimet me veprimet procedurale të kryera ktyesisht me shtetasit e mitur, pasi ka rezultuar se nuk janë respektuar parashikimet dhe standardet e legjislacionit lidhur me praninë e përfaqësuesit ligjor, psikologut, si edhe vendit të marrjes në pyetje.

Në lidhje me këtë situatë ka reaguar Avokati i Popullit duke kryer inspektime dhe vizita në komisariatet e kryeqytetit. Një tjetër reagim të fortë ka bërë edhe Këshilli i Evropës i cili ndër të tjera ka theksuar se ?çdo ndalim i fëmijëve duhet të kryhet vetëm si një masë e fundit dhe duhet të respektojë plotësisht të drejtat e tyre procedurale, duke përfshirë të drejtën për t?u pyetur vetëm në prani të një avokati ose njërit prej prindërve ose kujdestarëve të tyre?. Gjithashtu ka pasur edhe reagime personale nga juristë dhe avokatë të ndryshëm, ku bije në sy ai i Av. Altin Goxhaj.

Nga ana tjetër, ajo që mund të konsiderohet gjithashtu shqetësuese dhe gati e turpëshme është mungesa e një reagimi nga ana e Dhomës Kombëtare të Avokatisë. Ky institucion ka pasur një detyrim sa ligjor aq edhe moral për një reagim të fortë sidomis për pengimin që ju është bërë nga autoritetet disa avokatëve gjatë ushtrimit të profesionit duke ju mohuar dhe vështirësuar këtyre të fundit edhe takimet me klientët e tyre. Vlen të theksohet se është vetë statuti i cili në pikën 3/1 të tij përcakton se objekti i veprimtarisë së Dhomës së Avokatisë të Shqipërisë është ?Garantimi i ushtrimit të profesionit dhe forcimi i pavarësisë së avokatit si një profesionist i lirë?.

Nga ana tjetër ky institucion, financiarisht, funksionon kryesisht nga kuotat që paguhen nga të gjithë avokatet dhe kjo është një arsye më shumë për detyrimin e tij në tutelimin e të drejtave të tyre gjatë ushtrimit të detyrës, një tutelim që duhet të jetë në funksion të drejtësisë, i përgjithshëm dhe jo selektiv apo klientelist. Kujtojmë këtu se reagimi i fundit i Dhomës Kombëtare të Avokatisë ka qënë ai, në fillim të vitit, lidhur me arrestimin e dy avokatëve Ilir Korbi dhe Betim Shkupi, të studios ligjore të Henri Çilit, në kuadër të operacionit ?Mezhgorani?.

Funksionimi i Dhomës Kombëtare të Avokatisë, për të arritur qëllimet e saj, do të duhet të ndjeke në mënyrë harmonike edhe zvillimiet e kohëve të fundit për shkak të ?Reformës në Drejtësi? dhe jo të limitohet në disa procese zgjedhore të strukturave ?anonime? pjesë përbërëse të saj. Mungesa e një pozicioni aktiv që duhet të ketë ky institucion në zhvillimet aktuale në fushën e drejtësisë është ana e një medalje e cila na jep një tjetër dëshmi të ?Rumpallës në Drejtësi?./ Av. Pallko Trendelina