web counter
LEXO PA REKLAMA!

SHKARKO APP

App Store
Google Play

Foto-Dalin detaje nga vrasja në Dibër/ Çfarë bëri i riu pasi qëlloi shokun e ngushtë

17 Dhjetor 2020, 17:09, Aktualitet CNA

Një ngjarje e rëndë ndodhi ditën e sotme në Maqellarë të Dibrës ku dy të rinj kishin dalë për gjah, por njëri prej tyre humbi jetën nga pasi shoku e qëlloi me armë. Dyshohet se shkak për vrasjen e Gentian Kosiqit, 27 vjeç është bërë pakujdesia ndërsa zona ku kishin shkuar kishte mjegull të dendur.

Autori është Rifat Xheleshi, 18 vjeç. Ishte vetë ai që njoftoi banorët e fshatit, të cilët i shkuan për ndihmë, por terreni ishte i vështirë dhe vonoi zbritjen e të plagosurit.

Për pasojë, ai pësoi rrjedhje të shumtë gjaku dhe u shpall i vdekur pasi mbërriti në spital.

Shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.

Kjo është ngjarja e dytë e të njëjtës natyre brenda pak ditësh që ndodh në Qarkun e Dibrës. Pak ditë më parë në Bulqizë u vra një 22 vjeçar. Fillimisht u raportua që ishte përdorur armë gjahu pasi të rinjtë ishin për gjueti, por më pas policia provoi se ai ishte qëlluar me kallashnikov./CNA.al





Lajmet e fundit nga