E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

KQZ ndalon veprimtarinë publike që parashikon Kodi Zgjedhor/ Rregullatori miraton procedurat, Komisioneri i zbaton

18 Dhjetor 2020, 12:38, Aktualitet CNA

Dje nga zyrat e KQZ u shpërnda një material pune i cili në parim duhet të përcaktojë procedurat dhe udhëzimet e hollësishme për të përcaktuar përdorimin dhe shpërdorimin e burimeve publike.

Mediat e morën copy-paste “lajmin” dhe shumëfishuar lajmin se si Komisioneri i zgjedhjeve po ja vinte Kryeministrit këmbët në një këpucë. Më pas na ngacmoi një intervistë e Zotit Arben Ristani i cili sqaronte se kufizimet nuk ishin te Komisionerit porse ish Kodi ai që i kish parashikuar dhe që sqaronte se materiali i shpërndarë nën dorë ishte një material pune i KQZ.

Ne analizuam dispozitat e Kodit Zgjedhor për çështjen për të kuptuar se nga e merr tagrin Komisioneri për të shtrënguar këpucët e politikës. Kodi zgjedhor në Nenet 91 dhe 92 ka parashikuar ndalimet në përdorimin e fondeve publike në favor të subjekteve zgjedhore. Kodi zgjedhor ka parashikuar kufizimet e veprimtarive te institucioneve publike në fushatë. Nuk rezulton që Kodi Zgjedhor të japë ndonjë autorizim për Komisionerin Shtetëror të zgjedhjeve, që ky të miratojë akte rregulluese në lidhje me këto dy çështje.

Ndalimet në Kod vendosen për periudhën 4 mujore përpara zgjedhjeve. Nuk e ka vendosur KQZ këtë.
Ndalimi është votuar në Kuvend. KQZ duhet të hartojë dhe miratojë rregullat se si do ti duhet të funksionojë për të vënë në zbatim ndalimet e parashikuara nga Kodi Zgjedhor. Por Kodi Zgjedhor detyron Komisionin Rregullator të miratojë aktet normative. Nuk autorizon Komisionerin Shtetëror rë Zgjedhjeve të miratojë aktet që detajojnë procedurat. Komisioneri Shtetëror i Zgjedhjeve në fund mbart detyrimin që të zbatojë Kodin Zgjedhor dhe detajimet e bëra atij nga aktet rregullatore të miratuara nga Komisioni Rregullator.

Ne shqyrtuam edhe materialin e punës të trafikuar në media dhe me keqardhje konstatojmë që gazetarët që e kanë lexuar kanë pak të drejtë të ngatërrohen. Duke qene se materiali i punës ka të kopjuara nga Kodi Zgjedhor të gjitha kufizimet që Kodi Zgjedhor parashikon, kanë besuar se ato kufizime po i vendos KQZ. Nuk e kuptuam se pse kishin besuar se kufizimet ishin pronësi e Komisionerit, por kjo mund te shpjegohet me adresen e derguesit të materialit tek ata. Gazetarët kanë besuar se dërguesi është autoriteti që ka autoritetin e deleguar nga ligji që të miratojë kufizimet?

Kjo është e mundur, por nuk justifikon komentin për rezistencën që mund ti bëhet aktit nga anëtarët socialistë në komisionin Rregullator, sa kohë që kufizimet i ka miratuar Kodi Zgjedhor.
Nga leximi i tekstit të materialit të punës të trafikuar në media rezultojnë gjithashtu mungesa në trajtimin e çështjeve të cilat Kodi detyron sqarimin dhe detajimin. Por në një material pune kjo është normale.

Problemi qëndron në atë se me sa po kuptohet, brenda dhe përqark KQZ ka ca çështje vaniteti që për momentin dikujt atje i duken me të rëndësishme sesa procesi zgjedhor./CNA.al