web counter
LEXO PA REKLAMA!

SHKARKO APP

App Store
Google Play

Ditmar Bicaj me shenjat e COVID-19, mungesa e madhe për Julian Ahmatajn

19 Dhjetor 2020, 12:01, Sport CNA

Ditmar Bicaj nuk do të jetë në dispozicion të trajnerit Ahmataj për ndeshjen e sotme. Një gjë të tillë e ka bërë me dije vetë trajneri bardhekuq, kur tha se Bicaj njoftoi mungesën për arsye shëndetësore. Në kushte të tilla gazeta ka mësuar nga burime shumë të sigurta se mbrojtësi lezhjan ka shfaqur disa shenja të ngjashme me gripin sezonal, por për të qenë i sigurt nuk ka pranuar të rrezikojë për të mirën e ekipit dhe të tijën.

Të njëjtat burime tregojnë se lojtari ka pasur pak temperaturë dhe ethe, ndërsa ka kërkuar menjëherë shërbim mjekësor. Do të jenë mjekët e spitalit rajonal të Korçës që pasi të vlerësojnë situatën dhe gjendjen e lojtarit do të vendosin nëse duhet te bashkohet me ekipin apo do të bëjë tamponin për të qenë më i sigurt. Një mungesë e rëndësishme kjo që do të ndikojë në performancën e Skënderbeut në fushë dhe në formacionin e ndërtuar nga Ahmataj.

Një tjetër mungesë e rëndësishme në radhët e Skënderbeut për ndeshjen ndaj Tiranës është edhe Leonat Vitija, i cili është i dëmtuar dhe nuk do mundet të jetë në dispozicion të trajnerit Julian Ahmataj. Vitija është një titullar i padiskutueshëm në radhët e klubit bardhekuq, ndaj dhe mungesa e tij është një hall më shumë për korc?arët që duhet të ribëjnë mbrojtjen nga e para, duke llogaritur edhe mungesën e Bicajt. Gjithsesi, trajneri Ahmataj ka gati zgjidhjen dhe në formacion ndaj Tiranës do rikthehet Govori, i cili do mbulojë krahun e majtë të prapavijës korçare në këtë ndeshje.





Lajmet e fundit nga