web counter
LEXO PA REKLAMA!

SHKARKO APP

App Store
Google Play

Dede injoron Skënderbeun: Barazimi ndaj tyre, një hap fals

19 Dhjetor 2020, 15:27, Sport CNA

Nevil Dede është shprehur se Tirana bëri një pjesë të parë vrastare, teksa është shprehur se në të dytën luajtën shumë mirë. Për mikrofonat e ?Supersport?, trajneri i Tiranës u shpreh se barazimi 1-1 ndaj Skënderbeut është një hap fals për skuadrën e tij.

?Shpërdoruam në pjesën e parë. Atë lojë që bëmë në fund të ndeshjes, duhet ta bënim që në fillim. Kundërshtari na vuri shumë në vështirësi. Në pjesën e dytë luajtëm shumë mirë. Skuadra duket të qetësohet. Pjesa e dytë më ngroh, por ne harxhuam 45 minutat e para që ishin vrastare për ne.

Ne mundohemi që të punojmë dhe të përmirësojmë lojtarët. Të marrim maksimumin nga ata. Shpërdoruam dy raste të arta, por nuk shënuam dhe u ndëshkuam. Ne duhet të shpresojmë që sulmi të zhbllokohet dhe të na ndihmojnë. Ne do mundohemi të marrim më të mirën prej tyre.

Mbas largimit të Ismajlgecit, skuadra dha më shumë. Pjesën e dytë e kishim në kontroll dhe vuajtëm pak. Nuk jemi të qartë më metrat e fundit. Aty duhet të jemi më të qartë. Krijojmë volum, por në momente të caktuara nuk bëjmë atë që duhet. Ismajglgecin e pashë shumë të prekur në dhomat e zhveshjes.

Ky sot është hap fals. Ekipi nuk ndihej mirë pas ndeshjes. Nuk dhamë më shumë për ta merituar plotësisht. Por dhamë diçka më shumë dhe më takon mua ta mbështes skuadrën. Për pjesën e parë kishim punuar më ndryshe dhe të linim hapësira që ata të na afroheshin për t?i kapur në befasi.?, u shpreh Dede.





Lajmet e fundit nga