web counter
LEXO PA REKLAMA!

SHKARKO APP

App Store
Google Play

Imzot George Frendo flet pas kthimit nga Italia/ Vuajta bashkë me tjerët! Situata është e rëndë

15 Dhjetor 2020, 12:32, Sociale CNA

Arqipeshkvi Metropolit i Tiranë-Durrësit, Presidenti i Konferencës Ipeshkvnore të Shqipërisë, Imzot George Frendo, ka dalë me një mesazh, pas mbërritjes në Shqipëri.

Duke folur për media, Imzot Frendo tha se gjatë shtrimit në spital ai pati rastin të ndjehet më afër Jezu Krishtit, por edhe të gjithë atyre që po vuanin bashkë me të nga koronavirusi.

Mes të tjerash, ai theksoi se nuk donte të ikte për kurim jashtë shtetit, pasi mendonte për ata që nuk e kishin një mundësi të tillë, por e kanë dërguar me ngulm.

?Sa shumë ka gabuar Sartri që tha se ferri janë të tjerët. Jo, është bukur të jemi me të tjerët, të ndajmë gjërat. Për mua shpirtërisht ka qenë rast të ndjehem më afër Jezu Krishtit, që ka transformuar dhimbjen, duke e bërë atë shpirtërore. Ishte rasti të ndihesha më afër të tjerëve, afër atyre që si unë po vuanin nga kjo sëmundje. Unë kam pasur fat, që më kanë dërguar jashtë shtetit. Në fillim unë nuk desha absolutisht të shkoja jashtë shtetit, sepse mendoja për ata që nuk kanë mundësi të ikin, por me ngulmë më dërguan atje. Dua të shpreh edhe tani solidaritetin tim me të gjithë ata që janë duke vuajtur nga kjo sëmundje. Dëshiroj t?iu falënderoj të gjithëve.

Situata është shumë e rëndë, kemi një numër mjaft të madh të personave që infektohen, megjithatë shpresoj ta gjejnë gjithmonë mbështetjen e atyre që kanë mundësi të ndihmojnë?, u shpreh Imzot Frendo.

 





Lajmet e fundit nga