web counter
LEXO PA REKLAMA!

SHKARKO APP

App Store
Google Play

E fundit!

x

Një mesazh dashurie dhe leksion mirësie nga Kisha Orthodhokse e Korçës

12 Dhjetor 2020, 14:38, Sociale CNA

Shumë zgjedhin të reklamohen, të paguajnë para nëpër studiot televizive për të shpalosur sesi mbledhin para dhe japin donacionet e bëjnë dhurata me të ardhurat që mbledhin. Por ka edhe një mënyrë tjetër për të ndihmuar me mirësi dhe dashuri.

Ndoshta kjo lloj forme nuk përbën lajm, nuk raportohet nga mediat vetë dhe gjithmonë duhet të jenë vetë bamirësit që të dalin edhe të flasin. Në fakt ka një rast ndryshe, ky është i Mitropolisë së Korçës.

Kisha Orthodhokse ka zgjedhur të ketë një tjetër sjellje dhe formë bamirësie në një mënyrë krejt të veçantë. Mitropolia e Korçës prej shumë vitesh ushqen rreth 100 persona çdo ditë në pesë ditë të javës, dhe ditën e gjashtë u jepet ushqime me vete.

Janë 100 frymë që Kisha Orthodhokse i ushqen, jep një ndihmë për të varfërit e të varfërve, për ata që janë në rrugë, për ata që nuk kanë ku të hanë një copë bukë, për pleq të vetmuar, për njerëz të mjerë. Këtë nuk e bën me show, por e bëjnë çdo ditë nga e hëna në të premte me dashuri për gati 100 njerëz.

Me kontributin e kishës dhe disa besimtarëve arrihet të sigurohet udhqim i vazhdueshëm për këta 100 persona të varfër. Kisha Orthodhokse Autoqefale e Mitropolisë së Korçës kryen një akt shpirtëror dhe përpiqet të jetë sa më pranë komunitetit, atyre që janë më të braktisurit, që kanë më shumë nevoja, siç e përmendëm më lart, të varëfrit e të varfërve dhe kjo bëhet me shumë dashuri nga mitropoliti i Korçës, Imzot Johani.

Në gati pesë vite ushqimi jepet pesë ditë në javë dhe dita e gjashtë jepet me vete. Por kjo traditë ka më shumë se një dekadë që ndodh në këtë Mitropoli.

Është një rast i veçantë sepse përveç faktit që është një bamirësi dhe ndihmë për të varfrit është një rast që nuk reklamohet si diku tjetër, ku nuk ka një mesazh me zhurmë dhe klerikë që dalin dhe flasin e tregojnë me shurmë të madhe për bamirësinë.

Gjithçka bëhet me heshtje, mediat ndoshta nuk e shohin, por këto janë rastet kur mediat duhet të kthejnë sytë dhe të shikojnë këto mesazhe mirësie dhe dashurie që vijnë nga komunitetet. Rasti i Kishës Orthodhokse në Korçë është një nga më të veçntët dhe ndoshta më të bukurit./CNA.al





Lajmet e fundit nga