web counter
LEXO PA REKLAMA!

SHKARKO APP

App Store
Google Play

E fundit!

x

Shoqërimi me dhunë i gazetarit/ Meta zotohet para punonjësve të mediave: Nuk do lejoj kurrë…

11 Dhjetor 2020, 21:40, Politikë CNA

Presidenti Ilir Meta ka reaguar për shoqërimin me dhunë të kryeredaktorit të gazetës Koha Jonë, Qamil Xhani.

Meta dënon dhunën e përdorur nga policia ndaj gazetarëve dhe nxit Prokurorinë të reagojë menjëherë dhe të vendosë para përgjegjësisë ligjore autorët e dhunës.

Kreu i Shtetit zotohet para gazetarëve se nuk do të lejojë kurrë instalimin e modelit Lukashenko në Shqipëri.

?Dënoj me forcë përsëritjen e rasteve të dhunës së shëmtuar dhe të dënueshme, të ushtruar ndaj gazetarëve, nga ana e efektivëve të caktuar të Policisë së Shtetit.

Dhunimi i kryeredaktorit të “Koha Jonë”, z.Qamil Xhani, pranë ambienteve të redaksisë dhe ndalimi i tij për disa orë, është tregues se dhuna ndaj përfaqësuesve të medias dhe shoqërisë civile është e frymëzuar dhe e organizuar në nivelet më të larta të Qeverisë dhe Policisë.

Përsëris thirrjen publike dhe e nxis Prokurorinë të reagojë menjëherë dhe të vendosë para përgjegjësisë ligjore, pa më të voglën zvarritje, frymëzuesit dhe autorët e dhunës ndaj gazetarëve dhe përfaqësuesve të medias.

I ftoj të gjitha organizatat ndërkombëtare të gazetarëve të reagojnë në mbrojtje të kolegëve të tyre në Shqipëri. I garantoj të gjithë gazetarët e lirë dhe të pavarur se, nuk do të lejoj kurrë instalimin e modelit Lukashenko në Shqipëri?, shkruan Presidenti në rrjetet sociale./ CNA.al

Filmoi policët që rrihnin të miturit/ Shoqërohet me dhunë kryeredaktori i gazetës së Nikollë Lesit





Lajmet e fundit nga