web counter
LEXO PA REKLAMA!

SHKARKO APP

App Store
Google Play

Vrasja e 25-vjeçarit/ Vasili zbulon kush duhet të shkarkohet tjetër veç Lleshajt

11 Dhjetor 2020, 13:56, Politikë CNA

Nënkryetari i LSI-së Petrit Vasili ka komentuar vrasjen e 25-vjeçarit Klodian Rasha nga punonjës të Policisë së Shtetit, duke e quajtur këtë një ngjarje makabre dhe të rëndë.

Sipas Vasilit fryma me të cilën drejtohet sot Policia e Shtetit është e gabuar, dhe më së paku duhet të shkarkohet i gjithë zinxhiri i personave që tentuan të manipulonin ngjarjen, duke thënë se Rasha kishte armë dhe ishte me precedentë penal.

?Policia i kishte të gjitha mundësitë në atë orë, pasi e kontrollon territorin, që edhe nëse do të kishim të bënim me një element të rrezikshëm, ta neutralizonte atë. Qëllimi i tij në kokë është prova e një gansterizmi shtetëror, që kanë shkaktuar dhe një indinjatë të të tilla dimensioneve.

Në protesta kam vërejtur mjaft qytetarë që kanë shkuar dhe me fëmijët e tyre, për të krijar një të ardhme ku nuk iu rrezikohet jeta. Policia ka vepruar në mënyrë mafioze atë ditë, pasi arma nuk kishte asnjë lidhje me viktimën, kërkonin që ta demonizonin të riun, duke thënë se ishte një person me precedent penal.

Në fakt këta gangsterët i kanë në krye të bashkive të tyre. Largimi i Lleshajt është i pamjaftueshëm, pasi nxitësi kryesor është Edi Rama, që edhe sot u përpoq që të nxiste qytetarët. Më e pakta që mund të bëhet sot është të shkarkohet i gjithë zinxhiri i personave që tentuan të manipulonin ngjarjen.

Policët rrëmbejnë njerëz, i rrahin dhe konsumojnë një vepër që është rrëmbimi mafioz i qytetarëve. Çfarë janë këta horra, si mundet që civilët të rrëmbejnë persona në protestë. Mendoni si i rrëmbejnë këta njerëz fëmijët, 12-vjeçarë, cila është rrezikshmëria shoqërore e tyre. Pse nuk marrin masa me vrap dhe të thonë që kemi ndaluar këta fëmijë, dhe të lajmërojnë menjehërë prindërit e tyre?, u shpreh Vasili për ?Fax News?./CNA.al





Lajmet e fundit nga