Mos është më e ndershme që PD të zgjedhë Stresin si Kryetar të Partisë?

11 Dhjetor 2020, 14:15, Politikë CNA

Luli Bashës i ka ikur zëri!

Midis lajmeve për serinë e djegjeve të bredhave të mjerë, thyerjes së xhamave të pafajshëm, shkuljes së sinjalistikës së rrugëve, ka vetëm një zë që bërtet nga diku, duke u përbetuar se do ta djegë fare këtë qytet.

Shpura e analistëve me regji qendrore, organizojnë biseda në studio televizive, në të cilat tema është ekzaktësisht njësoj. Analistët vazhdojnë të paraqiten në studio televizive absolutisht të papregatitur për ato që do të thonë.
Fundja “bisedë” është! Dhe në një “bisedë” nuk ke nevojë të përgatisësh atë që do thuash! E fillon i pari dhe pastaj hapet loja! Nuk ke nevojë të thuash idenë tënde! Boll të kundërshtosh atë që thotë parafolësi! E nësë duhet pak ritëm, mundet edhe të bësh si i nxehur e të mos e lesh të flasi fare.

Dhe iku dhe një mbrëmje! Folën të gjithë! Të ftuarit e politikës mbështesin ose çmbështesin (sa shumë i dha shqipes eksperienca e Presidentit me çdekretimet), sherrin në rrugë. Vetëm njëri nuk po flet! Ai është Luli Basha!

Diku lëshoi një status në facebook që duket se nuk i shpëtoi ish-mikut Damir, i cili cilësoi Luli Bashën si:
“Udhëheqësi aktual i opozitës, i njohur gjithashtu si “#Forerest #Gump” që fle ose shkruan banalitete të zbrazëta patetike të mbushura me shprehje klishe dhe aforizma.?

Luli Basha nuk flet, nuk merr në telefon, nuk del në TV, nuk shkruan (përveçse banalitete dmth)!
Del Stresi! Stresi bërtet, Stresi kërcënon, Stresi kryn punë me “atë qytet”!

Ndërkohë demokratët duhet të kuptojnë, duhet të mësojnë, duhet të degjojnë, duhet të shohin Kryetarin e Partisë. Ata duan të kuptojnë me kë është kryetari i Partisë para dhe pas çdo ngjarjeje në këtë qytet.
Ata duan të mësojnë a mendon dhe nëse po, çfarë mendon kryetari i Partisë para dhe pas çdo ngjarjeje në këtë qytet. Ata duan të dëgjojnë çfarë porosie ka Kryetari i Partisë përpara dhe pas çdo ngjarjeje si këto që po mdodhin në këtë qytet.

Ata duan të shohin ku e sheh veten Kryetari i Partise, në ngjarjet që po ndodhin në këtë qytet.
Është me Stresin, pas Stresit, përpara Stresit apo kundra Stresit? Demokratët duhet ti dinë të gjitha këto, sepse duhet të dinë ku është vendi i tyre pas Kryetarit të Partisë.

E nësë demokratëve sot u është lënë të zgjedhin, nënkuptojnë apo përfytyrojnë vetë secili se ku duhet të qëndrojnë në raport me Stresin, atëherë ka vetëm një zgjidhje të ndershme. Stresi duhet të bëhet kryetar i Partisë. Pastaj nuk ka më rendësi ku rri Luli Basha. Demokratët e gjejnë vetë rrugën e vet./CNA.al