web counter
LEXO PA REKLAMA!

SHKARKO APP

App Store
Google Play

Kaosi nga protestat/ Basha zbulon bisedat me ndërkombëtarët, thirrje policisë

11 Dhjetor 2020, 20:15, Politikë CNA

Kryetari i opozitës Lulzim Basha, ka zbuluar pak më parë bisedat që ka zhvilluar me përfaqësuesit ndërkombëtarë, lidhur me situatën kaotike në vend, të krijuar nga protestat për vrasjen e Klodjan Rashës.

Në një postim në rrjetet sociale, Basha tregon se ka ndarë me ta thirrjet për hetim transparent dhe drejtësi për vrasjen e Klodjan Rashës.

Ai thekson se ka dëuar dhunën e policisë dhe i kërkon kësaj të fundit të ndalë brutalitetin ndaj protestuesve.

?Sot kam patur disa biseda me përfaqësues të komunitetit ndërkombëtar lidhur me zhvillimet e fundit. Ndava thirrjen për një hetim transparent dhe drejtësi për vrasjen e Klodjan Rashës, si dhe zbardhjen e përpjekjeve për manipulimin e ngjarjes dhe vënien e përgjegjësve para ligjit.

Dënova gjuhën e urrejtjes të përdorur nga kryeministri, si dhe brutalitetin dhe dhunën e policisë ndaj minorenëve dhe gazetarëve. Përsëris thirrjen për të ndalur brutalitetin e policisë dhe për të garantuar të drejtën e protestuesve për të protestuar të lirë dhe paqësisht.

Me 25 Prill ne do ta largojmë këtë qeveri dhe do të sjellim shpresë dhe ndryshim për Shqipërinë?, shkruan kreu i PD-së./ CNA.al





Lajmet e fundit nga