web counter
LEXO PA REKLAMA!

SHKARKO APP

Vrasja e 25 vjeçarit/ Lleshaj thyen heshtjen një ditë pas ngjarjes

9 Dhjetor 2020, 11:07, Kronika CNA

Ministri i Brendshëm, Sadër Lleshaj ka reaguar lidhur me vrasjen e Klodian Rashës në Tiranë një ditë pas ngjarjes.

Ai shkruan se vrasja e të riut ka prekur shumë njerëz, por shpreh besimin se organet përgjegjëse do bëjnë detyrën dhe do e zbardhin atë.

Lleshaj iu bën thirrje autoriteteve përgjegjëse ligjore të përmbyllin sa më shpejt detyrën e tyre në shërbim të së vërtetës dhe të drejtësisë.

“E VËRTETA ËSHTË NGUSHËLLIMI MË I MADH
Ka shumë arsye se përse e ndjej fort se çfarë do të thotë humbja e Klodian Rashës për prindërit dhe familjarët e tij. Në këto çaste të hidhërimit të madh, u shpreh atyre ngushëllimet e mia më të thella për këtë humbje tragjike. Në të njëjtën kohë, shpreh besimin tim të plotë se organet ligjore përgjegjëse do të finalizojnë shpejt, saktë, drejt dhe jashtë çdo ndikimi hetimet për vrasjen e Klodian Rashës.
Kjo ngjarje ka prekur shumë njerëz, të afërm të viktimës, qytetarë të zakonshëm, pjesëtarët e Policisë së Shtetit dhe gjithë të tjerët. Sot të gjithë kanë nevojë për qartësimin e plotë dhe shterues të rrethanave që sollën këtë ngjarje tragjike dhe autoritetet përgjegjëse ligjore duhet të përmbyllin sa më shpejt detyrën e tyre në shërbim të së vërtetës dhe të drejtësisë.“, shkruan Lleshaj./CNA.al





Lajmet e fundit nga