web counter
LEXO PA REKLAMA!

SHKARKO APP

App Store
Google Play

E fundit!

x

“Do ta mundim virusin në qeveri”/ Basha: Rinia do marrë në dorë fatet e vendit

8 Dhjetor 2020, 12:03, Politikë CNA

Kryetari i Partisë Demokratike Lulzim Basha ka qenë i pranishëm në organizimin e FRPD-së, me rastin e 30-vjetorit të Lëvizjes Studentore.

Basha, në fjalën e tij theksoi se më 25 prill, opozita e bashkuar do ta mundë virusin në qeveri, duke shtuar se rinia do të marrë në dorë fatet e vendit.

?Të rinj dhe të reja shqiptarë, Gëzuar 8 Dhjetorin. Rinia shqiptare do marrë në dorë fatet e vendit. Mezi po pres që së shpejti të takohemi, për të mundur virusin më 25 prill, për të kthyer shpresën e çdo të riu dhe të reje shqiptare. Gjej rastin të përshëndes shqiptarët nga Kosova, Maqedonia e Veriut, Mali i Zi etj. 30 vjet më parë shembëm diktaturën më të egër në Europë?, tha Basha.

Lulzim Basha nënvizoi se Shqipëria ka 8 vjet që përjeton errësirë, duke shtuar se kjo situatë duhet e do marrë fund njëherë e përgjithmonë.

?Ka 8 vjet që Shqipëria është kthyer pas. Ka 8 vjet që situata paraqitet shumë e rëndë. Shumë të rinj duan të ikin nga Shqipëria. Shumë e mendojnë si opsionin e vetëm emigracionin. Varfëria, padrejtësia dhe të tjera plagë të shoqërisë duhet që të munden. Kjo qeveri ka frikë nga forca e rinisë shqiptare. Kjo ndodh në kohën, kur ne kemi një rini që po shkëlqen në botë. Mjafton vendosmëria për të bërë ndryshimin e madh. Fatet e Shqipërisë janë në duart e tua?, vlerësoi Basha./CNA.al.





Lajmet e fundit nga