web counter
LEXO PA REKLAMA!

SHKARKO APP

App Store
Google Play

E fundit!

x

Rudina Hajdari me superlativa për Vjosa Osmanin/ Duhet përqafuar modeli i saj

7 Dhjetor 2020, 19:53, Politikë CNA

Deputetja Rudina Hajdari, ka mbajtur sot një takim me Presidenten e Kosovës dhe Kryetaren e Kuvendit, Vjosa Osmani.

Hajdari flet me superlativa për Osmanin, ndërsa thekson se nuk është aspak e lehtë që të jesh grua në politikën shqiptare dhe të ecësh përpara mbi parime dhe ide duke refuzuar pazaret.

Depuetja deklaroi se me Vjosën kanë rënë dakord të punojmë më shumë e më ngushtë për çështjet e integrimit si edhe në betejën e gjatë për ndërtimin e shtetit ligjor e luftës ndaj korrupsionit.

?Sot pata kënaqësinë të zhvilloja një takim me Presidenten e Kosovës dhe Kryetaren e Kuvendit zonjën Vjosa Osmani. Ndava me të simpatinë për kurajon e treguar në vendimet e marra prej saj, nëpërmjet të cilave nuk pranoi që parimet dhe idealet ti tregtonte për karrierën partiake.

Të jesh grua në politikën shqiptare nuk është aspak e lehtë dhe ne e dimë këtë të dyja. Nuk është e lehtë as të ecësh përpara mbi parime dhe ide duke refuzuar pazaret.

Por koha ka ardhur që kjo frymë e kjo mënyrë e të bërit politikë të jetë modeli që përqafojmë si shqiptare, andej e këtej kufirit. Ramë dakord me Vjosën të punojmë më shumë e më ngushtë për çështjet e integrimit si edhe në betejën e gjatë për ndërtimin e shtetit ligjor e luftës ndaj korrupsionit?, shkruan ajo në rrjetet sociale./ CNA.al





Lajmet e fundit nga