web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave/ Meta bisedë online me Isabel Santos dhe Luigi Soreca

8 Dhjetor 2020, 11:19, Politikë CNA

Presidenti Ilir Meta ka zhvilluar një bisedë online me raporteren për Shqipërinë në Parlamentin Europian Isabel Santos dhe ambasadorin e BE-së Luigi Soreca ku në fokus ka qenë çështja e negociatave.

Teksa informon për këtë bisedë, Meta falënderon eurodeputeten Santos për projekt rezolutën për Shqipërinë me vëmendje të veçantë tek zgjedhjet e ardhshme, shpopullimi dhe liria e medias.

Meta thekson se si President i Republikës do të bëjë çdo përpjekje për zbatimin e plotë të gjitha kushteve që lidhen me negociatat.

?Kënaqësi të zhvilloja sot një bashkëbisedim të sinqertë e miqësor me Raporteren për Shqipërinë në Parlamentin Europian, eurodeputeten Isabel Santos, dhe Ambasadorin e Delegacionit të BE në Tiranë, zotin Luigi Soreca.

Një falënderim i veçantë për zonjën Santos, për vëmendjen e posaçme që i ka kushtuar në Projekt Rezolutën për Shqipërinë zgjedhjeve të ardhshme, fenomenit të shpopullimit dhe cenimit të lirisë së medias në Shqipëri.

E sigurova se si President i Republikës do të vazhdoj të bëj çdo përpjekje për zbatimin e plotë të të gjitha kushteve, që lidhen me nisjen e negociatave të anëtarësimit.

Integrimi europian i Shqipërisë kalon vetëm përmes zgjedhjeve të lira dhe të ndershme dhe ndërtimit të shtetit ligjor me institucione të pavarura dhe funksionale?, shkruan Meta./CNA.al.





Lajmet e fundit nga