E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Nesër nis aplikimi i testeve të shpejta/ Bino tregon kategorinë që përfiton

6 Dhjetor 2020, 15:07, Lifestyle CNA

Nga nesër, në Shqipëri do të nisë aplikimi i testeve të shpejta për koronavirusin.

Shefja e departamentit të Sëmundjeve Infektive në Institutin e Shëndetit Publik, Silva Bino dy ditë më parë shpjegoi mënyrën se si do të bëhen këto teste, kur pacienti ka njjë ngarkesë virale të lartë.

Bino theksoi se testi do të bëhet në 5 ditët e para të infektimit, duke shtuar se nuk ka nevojë për tu përsëritur për të konfirmuar rezultatin.

?Nëse kemi një person që do duhet të testohet përtej 5 ditëve të para do bëhet testimi me PCR. Nëse është pozitiv është vërtet pozitiv. Për 30 minuta merret përgjigja. Lehtëson hetim epidemiologjik në kohë reale?, tha ajo dy ditë më parë.

Po ashtu, edhe mjeku Rexhep Muja shpjegoi të premten procedurën që do të ndiqet, personat që do të testohen dhe ata që përjashtohen nga kjo procedurë.

Muja tha se ata që kanë simptoma duhet të kontaktojnë mjekun e familjes dhe më pas epidemiologët do të kontaktojnë me ta. Ai shpjegoi se fillimisht në Tiranë janë 6 qendra që mund ta kryejnë këtë proces ku pacientët do duhet të shkojnë vetë dhe do të kthehen po vetë në shtëpi, me përjashtim të rasteve me shenja të rënda klinike kur epidemiologu do të shkojë në banesë.

Mjeku deklaroi se me futjen e testeve të shpejta, nga e hëna do fillojnë të realizohen deri në 3000 testime ditore përfshirë këtu edhe PCR duke rritur gjurmueshmërinë e COVID-19./CNA.al.