E fundit!

17:21 Aktualitet

“Mos fol si kryetar partie”/ Përplasja mes Xhafajt dhe Shabanit në Komisionin për Nismat Qytetare

Në mbledhjen e sotme të Komisionit për Nismat Qytetare, në...

Një tragjedi në zhvillim!/ Dasho ngre alarmin: Derisa të nisë vaksinimi, mund të kenë vdekur disa mijëra shqiptarë

6 Dhjetor 2020, 09:30, Lifestyle CNA

Eksperti i Shëndetit Publik, Erion Dasho vijon të përciellë mesazhe të forta sa i përket situatës së pandemisë në vendin tonë.

Me tone të forta kritike ndaj qeverisë dhe Ministrisë për numrin e testimeve, Dasho shkruan se në një kohë kur numri i vdekjeve nga Covid ka arritur në 15-20 në ditë, numri i infektimeve duhet të jetë dikur mes 4-5 mijë.

Dasho shkon më tej, ku shton se edhe sikur takimet e kryeministrit ?sy me sy? të bëjnë çudinë, deri sa të nisë vaksinimi, rrezikojnë që vetëm zyrtarisht të kenë vdekur disa qindra (për të mos thënë mijëra) shqiptarë!

‘Kur numri i vdekjeve nga COVID ka arritur 15-20 çdo ditë, kjo do të thotë se:

1.Numri i rasteve është diku midis 4 dhe 5 mijë në ditë. Në se kap vetëm 700-800, do të thotë se nuk teston!

2.Çdo ditë kanë nevojë të shtrohen në spital rreth 200-250 persona. Në se nuk shtrohen, do të thotë se i ke lënë në shtëpi pa kujdes shëndetësor!

3.Çdo ditë kanë nevojë për kujdes reanimator rreth 50-60 persona. Në se kjo nuk ndodh, tregon se nuk ke mjaftueshëm shtretër reanimatorë, pajisje dhe personel!

Me këto duhet të merret ministrja Manastirliu dhe jo të bëjë propagandë me 400 mijë testet e shpejta që duhej t’i kishte sjellë që në shtator!

Me këto duhet të merret kryeministri sepse edhe sikur takimet e veta “sy më sy” të bëjnë çudinë, deri sa të nisë vaksinimi, rrezikojnë që vetëm zyrtarisht të kenë vdekur disa qindra (për të mos thënë mijëra) shqiptarë!

15 humbje jete në ditë, do të thotë 450 humbje jete në muaj, ose 1,350 humbje jete të deklaruara zyrtarisht deri në fund të dimrit!!!

Mendo për humbjet e jetës që manipulohen dhe nuk raportohen!!!

Mendo për ata që humbin jetën në shtëpi!!!

COVID është kthyer në tragjedi për shqiptarët në sajë të papërgjegjshmërisë së atyre që na drejtojnë!

Koha është për veprim dhe jo për demagogji e manipulime!!!”./CNA.al