web counter
LEXO PA REKLAMA!

SHKARKO APP

App Store
Google Play

E fundit!

x

Viti i Ri festohet në shtëpi/ Bino ultimatum qytetarëve, nuk përjashtohet karantina e dytë

5 Dhjetor 2020, 17:31, Lifestyle CNA

Shefja e Departamentit të Epidemiologjisë dhe Kontrollit të Sëmundjeve Infektive në ISHP, Silva Bino ka kritikuar qytetarët se nuk po i respektojnë masat anti covid sa duhet, ndërsa ditët e fundit ka patur dhe rritje infektimesh.

“Numri i rasteve është i lartë. Vdekshmëria është rritur, mbajtja e maskës është një masë shumë efektive, por që fatkeqësisht nuk respektohet. Maska në vendin tonë mbahet në grykë, me të vërtetë duke e pasur maskën nuk gjobitesh, por ti nuk mbrohesh?, tha ajo.

Sa i përket natës së ndërrimit të viteve dhe orës policore, Bino tha këto festa, të gjithë duhet t’i festojnë pranë rrethit të ngushtë familjar.

Sa i përket një karantine të dytë, Bino shtoi se do të vlerësohet hap pas hapi.

“Do të vlerësohen të gjitha shifrat, ditë pas dite. Besoj se po, do jetë në fuqi karantina dhe pas orës 22:00. Mbledhjet do të sillnin numrin e rasteve dhe vdekjeve. Do rekomandoja që gjithsecili ta bëjë Vitin e Ri në shtëpi me familjarët e tij. Megjithatë këto janë masa që nuk varen nga unë, unë do rekomandoja që njerëzit të izolohen, ta parandalojnë futjen e virusit në komunitetet e tyre, faktet tregojnë për sëmundshmëri të lartë dhe rritje të numrit të të vdekurve”, tha ajo./CNA.al





Lajmet e fundit nga