web counter
LEXO PA REKLAMA!

SHKARKO APP

E fundit!

x

“O bëni ndonjë lek punë, o ikni!”/ Dasho “shkund” ministrinë: Po kalon çdo cak!

30 Nëntor 2020, 09:25, Lifestyle CNA

Eksperti i Shëndetit Publik, Erion Dasho ka ?shpërthyer? në akuza ndaj Komiteti Teknik të Ekspertëve dhe Ministrisë së Shëndetësisë, sa i përket situatës së Covid-19.

Dasho shkruan  se duhet të hapen urgjent spitalet rajonale dhe ato lokale. Sipas tij shumë vdekje nga Covid po ndodhin në shtëpi në pacientë që as diagnostikohen, as raportohen!

Vetëm mjekë e infermierë kanë humbur jetën me tepër se 20 gjer tani, për shkak se  janë lënë pa maska dhe mjete mbrojtëse, shton Dasho.

Papërgjegjshmëria në kulm!

Një thirrje për ministrinë dhe komitetin:

Hapni urgjent spitalet rajonalë dhe ata lokalë! Shfryni presionin mbi spitalet COVID!

Mos u tregoni qytetarëve “strategji” mashtruese nga të cilat nuk keni zbatuar asnjë rresht!

Vdekjet e raportuara (ato që nuk fshihen dot) po rriten çdo ditë! Shumë më tepër vdekje nga COVID po ndodhin në shtëpi në pacientë që as diagnostikohen, as raportohen!

Vetëm mjekë dhe infermierë kanë vdekur më tepër se 20, sepse janë lënë pa maska dhe mjete mbrojtëse!

Jetojmë dhe Europë, në shekullin e 21-të!

Pacientët nuk duhet të vrasin veten duke u hedhur nga dritaret e spitaleve! Të paktën, të mos kemi çdo muaj nga një fatkeq që ndërmerr këtë hap ekstrem…

O bëni ndonjë lek punë, o ikni!

Njerëzit janë lodhur duke dëgjuar demagogjinë tuaj, duke ndjekur të qarat tuaja patetike dhe filmat në stil Bollyëood-i!

Po kalon çdo cak.../CNA.al

 





Lajmet e fundit nga