web counter
LEXO PA REKLAMA!

SHKARKO APP

App Store
Google Play

Lëvizja e popullsisë/ Dibrës dhe Gjirokastrës i ikën nga një deputet

30 Nëntor 2020, 14:39, Aktualitet CNA

Lëvizja demografike do të sjellë në këto zgjidhje rrudhje të mandateve në disa zona të vendit. Ndryshime këtë vit do të pësojnë Qarku i Dibrës dhe i Gjirokastrës, ku do të përfaqësohen me nga një deputet më pak.

Pra, dibranët do të zgjedhin 5 dhe jo më 6 deputetë, ndërsa gjirokastritët, do të votojnë për 4, e jo më për 5 deputetë. Në këtë projektvendim të KQZ-së, të dy këto mandate që bien për shkak të lëvizjes së popullsisë, i shtohen qarkut Tiranë. Banorët këtu do të zgjedhin tashmë jo 34, por 36 ligjvënës.

Referuar trendit të votave sipas rezultateve të 2017-ës, mandati i djegur në Dibër i ikën Partisë Demokratike, ndërsa ai në Gjirokastër i rrëzohet Partisë Socialiste. Në Tiranë, sipas parashikimeve, dy mandatet e shtuara ndahen në mënyrë të barabartë, një PD e një PS.

Por lëvizjet e popullsisë dhe ndryshimet në gjendjen civile janë parë me dyshim në Komisionin Rregullator. Muharrem Çakaj kërkon llogaridhënie nga Ministria e Brendshme.

?A impakton kjo në ditën e votimit një zgjedhës që figuron i regjistruar në Tiranë por nuk shkon dot në qendër votimi pasi i duhet të marrë letër njoftimin në Tropojë, Lushnje apo ku e ka. Në një mbledhje sa më të afërt të kishim prezent person atë nivelit drejtues të gjendjes civile që të na orienton drejt një fakti të tillë?, është shprehur ai.

Regjistri përfundimtar i zgjedhësve pritet të botohet në mes të muajit mars./CNA.al.





Lajmet e fundit nga