E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

“Të moshuarit duhet të kenë ngrohje falas”/Agim Xhafka thirrje të fortë qeverisë

29 Nëntor 2020, 14:02, Aktualitet CNA

Gazetari Agim Xhafka ka rrëfyer ditën e sotme takimin që pati më një veteran të luftës.

Përmes një postimi në rrjetin social, duke treguar për vizitën në shtëpinë e tj me rastin e 29 nëntorit, Xhafka tha se iu dhimbs kur pa një të moshuar të mbështjellë e të veshur trashë nga i ftohti.

Për gazetarin, qeveria duhet të mendojë për të moshuarit dhe t?iu sigurojë atyre ngrohje falas.

Postimi i plotë i Agim Xhafkës:

Xha Llazi hiqet si veteran i luftës. E kam komshi dhe sot i shkova për vizitë. Se 29 nëntori është dita e tij.Ma hapi derën e shoqja,Frosa. Mbështjellë me shall e hedhur mbi shpatulla një pallto të vjetër. Sikur hyra në frigorifer m’u duk. Në kuzhinë xha Llazi veshur e ngjeshur,si plaku i Vitit të Ri.

-Po del?- e pyeta.

-Jo,jo. Por kemi ftohtë ndaj rrimë kështu.

-Po pse nuk ndez kondicionierin?

-Pastaj çfarë të hamë?!

Sinqerisht m’u dhimbs. Jo vetëm ky si veteran,por çdo i moshuar duhet të ketë falas ngrohjen. Më kujtohet babai që thosh shpesh,plakut po i dhe zjarrin ai nuk pyet për pjatën,lere dhe pa ushqyer.

Doja ta ngacmoja për votën që i dha rilindjes,për ilaçet e skaduara që pi ,per mosrritjen e pensionit,por më erdhi kaq keq sa e mbylla gojën.

-Hajdeni mbasdite nga unë,-u thashë-Ngrohemi e bëjmë ndonjë dorë tavëll.

-Rrofsh,rrofsh ,- tha xha Llazi,-por nga ora 5 deri në orën 9 në darkë shkojmë nga TEG-u. Autobuzi është falas e rrimë ngrohtë atje. Bëhemi shumë moshatarë bashkë.Sa kthehemi rrëshqasim në dyshek…

Dhe qeshte dinjitozi Llazi. E dinte që kishte votuar për vrasës e vjedhës,por nuk i shiste ata,as i përgojonte. Dhimbjen dhe vuajtjen i gëlltiste. Per të keqen e tij,por edhe tonën. Ah,mor Llaz,ah more Llazarë që na sollët në krye këta zuzarë…/CNA.al.