web counter
LEXO PA REKLAMA!

SHKARKO APP

App Store
Google Play

E fundit!

x

“Opozita t’i kthehet tabelës së shumëzimit”/ Ahmetaj tregon kur përfundon procesi i rindërtimit

28 Nëntor 2020, 13:26, Aktualitet CNA

Ministri i Rindërtimit, Arben Ahmetaj ka treguar ecurinë e procesit të rindërtimit për dëmet e shkaktuara nga tërmeti i frikshëm i 26 nëntorit të 2019-ës.

Ahmetaj deklaroi se brenda majit të vitit që vjen të gjitha banesat do të jenë ndërtuar, ndërkohë që rreth 90% e pallateve do të jenë gati në tetor të 2021-it. Po ashtu ai theksoi se në mars të 2022-it nuk do të kenë më asnjë shenjë nga tërmeti famëkeq që goditi vendin tonë dhe që shkaktoi 51 të vdekur.

Ndër të tjera Ahmetaj nuk kurseu as ironitë në drejtim të opozitës dhe akuzave që PD-së, ndërsa iu sugjeroi që t?i kthehen tabelës së shumëzimit.

?Opozita siç doli dhe sot ka si qëllim që të bëjë pis çdo proces. Rindërtimi është proces unik. Me çdo lloj procesi rindërtimit, edhe në vendet e zhvilluara, janë me 6-8 vite ku njerëzit vërtiten nëpër kontejnerë dhe çadra. Është totalisht social dhe është në ADN të profilit tonë si maxhorancë, ky proces është totalisht social dhe i majtë. Shumë vende të botës në raste të tilla i ofrojnë qytetarëve kredi me kushte të buta. Për një sekondë ju ftoj të imagjinoni mbi 28-30 mijë familje që të rreshtoheshin tek bankat e Shqipërisë dhe të kërkonin kredi. Ndërsa ne kemi bërë një instrument social dhe shtëpitë do të jenë falas, të 4 programet janë sociale. I pari janë grantët. Kur del PD dhe flet ato që flet, ku në një pandemi dhe në një gjëmë që ndodhi me tërmetin, do të kishte hije që të ishte mbështetëse dhe të na shtynte që të ecnim përpara dhe jo bolori dhe fake neës dhe fakte të rreme siç e kanë strategji. Hedhin fakte të paqena. Ne japim shtëpi falas. Grantet e rikonstruksionit janë 10.4 mld lekë deri më sot të aprovuara.

Janë 6.4 mld të shpërndara në duart e familjeve, janë 28 mijë familje që përfitojnë nga grantet e rikonstruksionit. Janë 74 mln dollarë që familjet shqiptarë, ku kanë marrë për të rikontruktuar shtëpitë e tyre. Sot janë 1234 familje në çadra. Të 100 mln dollarët do të shkojnë për ta. Sot në Durrës, në Shijak, në Kavajë, janë duke u rikonstruktuar ambientet e përbashkëta, dhe shumë familje janë kthyer në shtëpi. Programi i dytë, i njësive individuale, janë rreth 1 mijë familje që do të festojnë vitin e ri në shtëpitë e tyre të reja të bëra falas. Në Thumanë janë bërë lagje moderne, me shtëpi më të mira se ato që humbën. Deri në 31 dhjetor do të jenë përfitues rreth 1 mijë familje, janë çelësa reale, janë shpirtra reale që përfitojnë. Programi tjetër, shkollat. Pashë dje një qesharak nga zonat e dëmtuara që fliste për një shkollë. Ne do ndërtojmë 155 shkolla me standarde të BE. Janë 52 shkolla në vlerësim që mund t?i shtohen kësaj liste. Shkeleni një nga shkollat që ka mbaruar, standarde europiane. Nuk është ky investim në 30 vite. Programi i katërt; pallatet. Janë 59 shkolla që po bëhen nga buxheti i shtetit. Pallatet janë një projekt tjetër. Ka nisur ndërtimi i tyre në lagjen ?5 Maji?, në Kavajë dhe në Durrës. Shumë shpejt do të nisë në Kombinat ndërtimi i pallateve. Të nderuar qytetarë, që akoma nuk e keni të mundur të hyni në shtëpitë tuaja, s?kemi humbur asnjë ditë. Procesi i rindërtimit është sa ¼ e ndërtimeve të tjera.

Kur nisëm në Laç, nisën që nga plaku dhe deri më i riu andej nga boloria politike, dhe thanë; ?nuk po punohet?. Po e keni parë se çfarë po ndodh atje? Një model ndërtimi. E mbani mend Laçin e PD? ! Edhe ai përrua që kalonte mes Laçit, do sistemohet. Me Abu Dabin firmosëm 70 mln dollarë. Në vend që opozita të thoshte ?faleminderit? për këtë qeveri, nisi të thoshte; ?u firmos atje, këtu, pse shkuan?!? 70 mln dollarë që na i japin Emiratet. Ju them qytetarëve të Durrësit që paratë e Emirateve na i kanë dhuruar, dhe do i punojnë dhe do ndërtojnë vetë. Se pastaj nis boloria. Ja ku është marrëveshja (tregon marrëveshjen) E firmosur në një ambient të hapur, për shkak të pandemisë. Ja t?ju tregoj shumën; 75 mln dollarë: u shpreh Ahmetaj në një intervistë për rubrikën ?Opinion? në ?News24?./CNA.al





Lajmet e fundit nga