web counter
LEXO PA REKLAMA!

SHKARKO APP

App Store
Google Play

Meta urim për ditën e Pavarësisë/ Të punojmë çdo ditë për ta mbrojtur simbolin tonë

28 Nëntor 2020, 07:35, Aktualitet CNA

Presidenti Ilir Meta ka uruar ditën e e Pavarësisë së Shqipërisë.

Përmes një postimi në rrjetet sociale, Meta shkruan se duhet punë dhe angazhim çdo ditë për ta mbrojtur simbolin tonë.

Meta thekson se 108 vite kanë dëshmuar pjekurinë dhe seriozitetin e një shteti modern, për përmbushjen e misionit të nisur nga Ismail Qemali për ta bërë Shqipërinë si Europa.

?Gëzuar Ditën e Flamurit Kombëtar, Ditën e Pavarësisë së Shqipërisë! Të punojmë dhe angazhohemi çdo ditë për ta mbrojtur simbolin tonë të shenjtë dhe përbashkues, të valvitet krenar në këto troje, i pastër dhe i paprekur, njësoj si gjaku i derdhur për të, nga bijat e bijtë më të mirë të kombit. 108 vite janë mjaftueshëm për të dëshmuar pjekurinë dhe seriozitetin e një shteti modern, për përmbushjen pa vonesë të aspiratës popullore dhe misionit të nisur në 28 nëntor 1912, nga Ismail Bej Vlora dhe gjithë etërit e Pavarësisë, për ta bërë Shqipërinë si gjithë Europa. Urime për 28 Nëntorin e Gjergj Kastrioti Skënderbeut, Ismail Qemalit dhe Isa Boletinit! Zoti e bekoftë Flamurin Kombëtar dhe shqiptarët kudo ndodhen!?, shkruan Meta./CNA.al





Lajmet e fundit nga