E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Basha bën premtimin e rradhës/ Kur të vij në pushtet, brenda muajit do ndërtoj të gjitha shtëpitë që u prishën nga tërmeti

30 Nëntor 2020, 20:36, Politikë CNA

Kreu demokrat Lulzim Basha vijon të bëjë premtime të mëdha që sipas tij do t?i përmbushë që muajin e parë që do të vijë në pushtet.

Sipas Bashës, qeveria po i shpërdoron fondet, duke shtuar se po tentohet që të bllokohet funsksionimi i drejtësisë për denoncimet që bëhen nga media apo edhe opozita.

Për kreun demokrat, viktimat e tërmetit janë një krim shtetëror.

“Le ta marrim të mirëqenë këtë ndonëse unë ndaj një pikëpamje tjetër, unë ndaj pikëpamje që koha e pandemisë duhet të ishte përdorur me sukses për punimin e të gjithë projekteve edhe strategjive, projekteve të ndërtimit dhe strategjive ku siç kemi thënë prej fillimit strategjia më e shpejtë për të ndihmuar familjet individuale që ju prishën shtëpitë ishte të disbursoheshin menjëherë me shumë monetare për ti riparuar ato që ishin të riparueshme dhe për ti rindërtuar ato që ishin të pariparueshme.

Kjo nuk është bërë, nuk është bërë sepse, ka disa shpjegime por kryesorja është që fati i këtyre njerëzve nuk ka bërë prioritet për qeverinë, pretendimi që nuk ka pasur mjaftueshëm financa hidhet poshtë nga vetë disbursimet e thesarit të shtetit ku shuma shumë të mëdhaja janë disbursuar me nxitim të madh në disa drejtime të cilat ne i kemi bërë transparente.

Siç janë kontratat e incerneratorëve, siç janë tenderat publikë me katër, pesë fish çmimin e tregut. Për këto ka pasur nxitim, nuk ka pasur burokraci. Nuk ka pasur asnjë vonesë kur vjen fjala për të ndihmuar familjet individuale. Mijëra prej të cilave, edhe njëherë po e them edhe sonte që flasim në kushtet e acarit që ka nisur, në kushtet e mungesës së ujit, në kushtet e pandemisë, në kushtet e rëndimit që i sjell shëndetit të fëmijëve në radhë të pare dhe të moshuarve.

Për këta nuk ka pasur as kohë as para. Dhe këto nuk janë shifra. Me vjen keq që shpesh herë detyrohemi në argumenta të flasim për shifra. Po të marrim automjetin dhe të shkojmë sonte në disa prej këtyre zonave do të shohim që të moshuarit një pjesë e tyre janë me pneumoni. Vuajnë nga pneumonia, vuajnë nga ftohja, vuajnë nga bronkiti, në kohë pandemie.

E njëjta gjë edhe me fëmijët. Imagjinoni çfarë mund t?i thuash një qeverie e cila në këtë kohë vazhdon të shpenzojë para të panumërta për tendera tërësisht të panevojshëm dhe lë në mëshirë të fatit popullsinë e goditur nga tërmeti në zonat më të banuara të Shqipërisë që janë zonat e Durrësit rrethinat e Tiranës, Krujës, Fushë Krujës dhe të Kurbinit.

Ky është një problem i jashtëzakonshëm dhe unë mendoj se edhe zoti Rama e ka ndjerë se çfarë problemi paraqiste 26 nëntori sa i përket bilancit me premtimet që ka bërë. Në një farë mënyre e gjykoj se largimi I tij për në Emirate është largimi i tij nga problemi.

Brenda muajit të parë nuk do të ketë asnjë njeri nëpër çadra. Unë kam përvojë me urbanizimin, sepse kam qenë ministër i Brendshëm në përmbytjen e Shkodrës. Nëse do të ishte primare jeta e njeriut, qeveria do të vepronte ndryshe. Fondet ekzistojnë, por ajo që ka munguar deri tani është vullneti. Mediat e kanë denoncuar që ka blerë pajisje mjekësore më të shtrenjta.

Është i njëjti bllokim i drejtësisë për ato që denoncon media, publiku dhe opozita. Prishja e banesave është një krim shtetëror. Shteti i lejoi të hynin brenda pavarësisht se nga tërmeti i parë ishin të pabanueshme. Por janë edhe shumë nga ata që janë përgjegjës të pandërshkuar. Ka një seri denoncimesh nga PD, kemi denoncuar edhe se si vëllai i një deputeti të PS merr 35 milion euro për një projekt?, tha Basha./CNA.al.