web counter
LEXO PA REKLAMA!

SHKARKO APP

App Store
Google Play

Dibra humb një mandat/ Çollaku zbulon “armikun”: Tashmë është zyrtare

30 Nëntor 2020, 19:10, Politikë CNA

Komisioni Rregullator miratoi sot projektvendimin për shpërndarjen e mandateve për Kuvendin e Shqipërisë pas zgjedhjeve të 25 prillit 2021.

Sipas llogaritjeve, Tiranës i janë shtuar 2 mandate, ndërsa Gjirokastra dhe Dibra humbasin nga një mandat.

Për këtë ka ardhur edhe një reagim i ashpër nga ish-deputeti Kreshnik Çollaku, i cili thotë se në Qarkun e Dibrës armiku është varfëria dhe indiferenca e Shtetit.

Ai thotë se shkak për këtë është bërë largimi i banorëve të këtij qarku gjatë 4 viteve të fundit.

?Tashmë është zyrtare. Për shkak të largimit, shpopullimit, emigirmit gjatë këtyre 4 viteve Qarku i Dibrës do të humbasë një përfaqësues në Parlamentin e ardhshëm.

Paradoksi është se ajo është ndër trevat më të pasura te vendit. Nëse do të shfrytëzoheshin pasuritë që Zoti ia ka falur asaj treve, mbitokë e nëntokë, Qarku i Dibrës do të ishte ndër zonat me mirëqenien më të lartë.

Në fakt, çdo ditë të rinjtë e kryefamiljarët largohen, emigrojnë. Është një largim që e detyron varfëria e thellë, moszhvillimi, investimet jetësore të munguara. Emigrimi i banorëve të Qarkut Dibër, është emigrim i bukës së gojës. Ky është fakti.

Është aq kokëfortë e i rëndë ky fakt sa as asfaltet elektorale, ose ndonjë copë kalldrëm estetik, as bojrat fasadave nuk e fshehin dot. Nga Dibra, Mati, Bulqiza njerëzit ikin, se duan një jetë më të mirë dhe trajtim me dinjitet, drejtësi e punë nga Shteti…?, shkruan ai në rrjetet sociale./ CNA.al





Lajmet e fundit nga