PD denoncon qeverinë/ Qytetarët e prekur nga tërmeti jetojnë ende në çadra, po përdoren qëllimisht për fushatë

30 Nëntor 2020, 16:39, Politikë CNA

Ish-deputeti i Partisë Demokratike, Gent Strazimiri ka denoncuar ditën e sotme qeverinë, duke deklaruar se pavarësisht se ka kaluar një vit nga tërmeti, qytetarët shqiptarë vijojnë të jetojnë në çadra.

Përmes një postimi në ?Facebook?, Strazimiri shkruan se njerëzit janë lënë pa shtëpi, me qëllim që të përdoren në fushatë, duke shtuar që banesat individuale janë një premtim i pambajtur nga kryeministri Edi Rama dhe kryebashkiaku i Tiranës, Erion Veliaj.

?Të dashur qytetarë, spektakli propagandistik i hajdutëve të fatkeqësisë, Edi Rama dhe Erion Veliaj, ka vetëm një titull, dhe ai është mashtrim i madh. Një vit pas tërmetit ata që kanë humbur shtëpitë vijojnë të jetojnë në çadra, mes rrënojave apo në qera që nuk arrijnë t?i paguajnë dot. E gjithë kjo mizanskenë kriminale është menduar për tu vendosur në shërbim të axhendës politike të hajduteve të fatkeqësisë. Dokumentet zyrtare provojnë se qytetarët e prekur nga tërmeti nuk do të hyjnë dot në shtëpitë e tyre, të paktën deri në korrik të vitit 2022. Pra edhe dy vjet të tjera pa shtëpi. Për të kuptuar se sa kanë zvarritur situatën, mjafton të përmendim se 6 muaj pas tërmetit Bashkia e Tiranës nuk kishte akoma vlerësimin e saktë të banesave individuale të banesave që do të duhej të ndërtoheshin. Në këto shtëpi Erion Veliaj ka qenë, xhiroi momentin e tij të minutazhit dhe nuk u duk më. Të nderuar, qytetarë paratë janë aty, plot 17 milionë euro të tenderuara për 889 banesa individuale. Por arsyeja përse nuk po vazhdojnë punimet janë zgjedhjet e vitit tjetër, e gjithë kjo për propagandën e tyre, për foto gjatë fushatës, për t?i hedhur hi syve shqiptarëve?, tha Strazimiri.

Sipas ish deputetit demokrat, këto shtëpi do të duhej të kishin përfunduar tashmë, pasi nuk janë vila luksoze nëpër kodrat e Tiranës, por shtëpi njëkatëshe të cilat do të duhej të ishin ndërtuar në pak muaj.

?Shtëpia e shqiptarit është e Zotit dhe e mikut, mjafton dashuria që ka brenda për ta kthyer atë në një çerdhe lumturie. Por ju o qeveritarë nuk keni nga t?i dini këto, sepse ju ka zënë sytë paraja dhe luksi i shfrenuar ku jetoni. Ne do të vazhdojmë të bëjmë çdo ditë transparencë sepse refuzojmë faktin se pushteti i korruptuar i Edi Rames dhe Erion Veliaj të trajtojë njerëzit si kavie elektorale. Shumë shpejt perdja do të bjerë dhe hajdutët e fatkeqësisë do të përgjigjen përpara ligjit?, tha Strazimiri./CNA.al.