web counter
LEXO PA REKLAMA!

SHKARKO APP

App Store
Google Play

E fundit!

x

Vakanca në Gjykatën Kushtetuese/ KED përjashton nga gara 3 gjyqtarë

26 Nëntor 2020, 19:38, Aktualitet CNA

Gjykata Kushtetuese vijon të mbetet në pikëpyetje nëse do të jetë funksionale brenda këtij viti.

Këshilli i Emërimeve në Drejtësi ka përjashtuar nga gara 3 gjyqtarë. Më konkretisht Shaqir Hasanaj, Aldona Sylaj dhe Ardita Bunaj.

Ndërkohë që ambasadorja e Shtetetve të Bashkuara të Amerikës ka vijuar tu bëjë thirrje KED, Kuvendit dhe Presidencës që të përshpejtojnë procesin në mënyrë që Gjykata Kushtetuese të jetë funksionale brenda vitit.

Në mbledhjen e sotme merrnin pjesë anëtarët e KED, Avokati i Popullit, përfaqësuesit e Presidentit të Republikës, si edhe përfaqësuesi i Kryetarit të Kuvendit.

Njoftimi i plotë i KED:

Pasi shqyrtoi aktet dhe procedurën e ndjekur për verifikimin e kandidaturave dhe dokumentacionin e përgatitur lidhur me plotësimin e kushteve ligjore për kandidim, për secilin kandidat të përcaktuar në rendin e ditës, pasi dëgjoi mendimin e Avokatit të Popullit lidhur me procedurën e ndjekur në verifikimin e kandidaturave, vendosi:

A: Ndalimin e kandidimit të kandidatëve për gjyqtar në Gjykatën Kushtetuese:

 

 

 

 

3 . Shaqir Hasanaj, për vendin vakant, vakancë e parakohshme në Gjykatën Kushtetuese, e shpallur nga Presidenti i Republikës në datën 07.02.2018 dhe rishpallur në datat 27.09.2019 dhe 24.09.2020.

 

Kandidatët për të cilët është vendosur ndalimi, kanë patur mangësi të një apo disa kushteve të parashikuara nga Kushtetuta dhe ligji. Kandidatët kanë të drejtën e ankimit në Gjykatën Administrative të Apelit, jo më vonë së 5 ditë nga dita e njoftimit të vendimit të arsyetuar.

Në mbledhjen e sotme Këshilli miratoi përfshirjen në rendin e ditës, mbi propozimin e një anëtari, edhe te diskutimeve mbi ecurinë e vakancës së shpallur nga Presidenti i Republikës në datën 22.11.2019 dhe të vakancës së shpallur nga Kuvendi i Shqipërisë në datën 28.08.2018 dhe rishpallur në datat 21.08.2019 dhe 24.09.2020 duke vendosur të informojë këto organe të emërtesës mbi gjendjen ku ndodhet secila nga vakancat e shpallura prej tyre. Gjithashtu, ky këshill do të njoftojë organet e emërtesës edhe se do të fillojë të kryeje veprimet paraprake të fazës pasardhëse në referim të nenit 240 të ligjit 115/2016 dhe Vendimit nr.5 të KED, të datës 02.04.2019 (i ndryshuar)./CNA.al.

 

 

 





Lajmet e fundit nga