E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Habia në KQZ/ Konfliktet do shqyrtohen sipas Kodit të Procedurave Civile!

25 Nëntor 2020, 16:22, Aktualitet CNA

Pas miratimit të tre Rregulloreve si pjesë e akteve nënligjore që duhen hartuar dhe miratuar nga KQZ-ja e Republikës së Re, duket sikur anëtarët e rinj, kanë marrë ca kohë pushim.

Në faqen e KQZ-së nuk ka më akte të reja nga lista prej të paktën 35 rregulloreve dhe udhëzimeve që duhet të jenë efektive javë ose muaj përpara datës 25 Prill.

Nga aktet e miratuara deri tani dhe që besojmë se janë vlerësuar si prioritare nga lista e gjatë prej 35 të tillash, nuk mund të mungonte tenderi i famshëm i opozitës i cili çmimin fillestar e kish 15 milionë euro, por që duket se do tejkalojë shifrën 18.

Si thoshte Tan Lamja i famshëm, “mos u zini se ka për të tërë”!?

Dy aktet e tjera janë rregullorja e funksionimit të Komisionit Regullator dhe e Komisionit të Ankimimeve dhe Sanksioneve.

Kodi Zgjedhor autorizon hartimin e rregullave proceduriale për mbledhjet e Komisionit Rregullator nga njëra anë dhe seancave të Komisionit të Ankimineve dhe Ankesave nga ana tjetër.

Ajo që na ra në sy nga leximi i parë i atyre rregulloreve ishte referimi i bërë tek Kodi i Procedurave Civile.

Sipas rregulloreve të miratuara nga KQZ-ja e Republikës së Re, kjo e fundit ka vendosur që mosmarrveshjet e palëve për çështje të lidhura me zgjedhjet ti trajtojë sipas Kodit të Provedurave Civile!!!

Dmth KQZ si organ administrativ, për shqyrtimin e çështjeve të lidhura me votën e shqiptarëve do i referohet Kodit të Pr.Civile!

Pra për KQZ-në e Republikës së Re kur PD, PS, LSI dhe/ose parti të tjera të ankohen në KQZ, kjo e fundit do hapë Kodin e Procedurave Civile dhe do i trajtoje partitë si palë në një konflikt civil ku ato ngrenë pretendime për plaçkat e shtëpisë.

KQZ që duhet të ruajë votën e shqiptarëve, është organ administrativ. Si i tillë, “vota” nuk është plaçka që duhet të ndahet, por themeli i demokracisë që duhet të mbrohet.

Me kodin e Procedurave Civile, partitë politike mundet që ta ndajnë edhe me marrveshje mes tyre plaçkën.

Por jo votën!

Ajo mbrohet dhe KQZ duhet rë jetë aty që ta mbrojë si dhe të sigurohet që numërohet ashtu si duhet.

Më tej pasi i hedh një lexim të shpejtë akteve të miratuara në KQZ, kupton që gjysma e atyre që shiten si dispozita akti nënligjor, në fakt janë kopjim i dispozitave të Kodit Zgjedhor që është miratuar në Kuvend.

Si të tilla, sa herë që dikujt do i duhet të referoje tek rregulli, nuk do ketë logjikë të zgjedhë për referim një paragraf akti nënligjor, kur i njëjti paragraf, është pjesë e korpusit të dispozitave të Kodit Zgjedhor. Si i tillë ai tekst ka fuqinë e aktit ku është parashikuar dhe rregulluar për herë të parë.

Sporti i kopjimit të dispozitave të një ligji për tu shitur si dispozita akti nënligjor, është rasti kur përsëritja nuk mund të trajtohet si nënë e dijes. Për fat të keq kjo mund të dëshmojë padijen për koncepte bazike në hartimin e aktit nënligjor.

Kopjimi i dispozitave nga një akt me fuqi juridike më të lartë, për tu përfshirë ne një akt me fuqi juridike më të ulët, nuk mund të trajtohet si punë, sa kohë nuk shton asgje dhe nuk sjell asgjë të re në kuadrin ligjor përkatës.

Mund te jetë bërë për të shtuar nenet e Rregulloreve që të duket sikur ato janë shumë, por edhe kjo duket shumë fëminore për standartin e pretenduar nga Kodi Zgjedhor për anëtarët e KQZ-së së Re!

Ajo që habit është se tek lista e gjatë e neneve që KQZ-e Republikës së Re ka zgjedhur të kopjojë nga Kodi Zgjedhor, ka gjykuar që të bëjë edhe shtesën e çuditshme të referencës ne Kodin e Procedurave Civile.

Të vetmen shtesë që flet më shumë se gjithë pjesa tjëtër e dispozitave të rregulloreve, që besojmë se nuk ja vlen më të analizohen./CNA.al