web counter
LEXO PA REKLAMA!

SHKARKO APP

App Store
Google Play

E fundit!

x

Masakra në Krushtën e Madhe/ Basha: Kam qenë pjesë e tribunalit të Hagës në vitet 1998-1999

19 Nëntor 2020, 20:21, Politikë CNA

Kreu i Partisë Demokratike Lulzim Basha ka kundërshtuar akuzat që janë hedhur në drejtim të tij sa i takon kasetës së masakrës në Krushtën e Madhe.

Në një intervistë në ?Opinion?, Basha u shpreh se këto akuza janë fabrikuar qëllimisht, duke theksuar se janë rrëzuar nga një mbështetës i kryeminsitrit Rama siç është Dashamir Peza.

Sipas kreut demokrat, ai nuk ka qenë asnjëherë pjesë e hetimeve apo arrestimeve ndaj UÇK, duke shtuar se ka qenë pjesë e tribunalit të Hagës kundër Millosheviç në vitet 1998-199.

?E vërteta është ajo që keni shteruar këtu. Kaseta e masakrës së Krushës së Madhe është marrë nga Dash Peza, apo nga BBC. Këtë fakt unë e kam mësuar prej rrëfimit të tij. Kaseta ishte një trillim, një fabrikim i ulët. Unë nuk ndihem as i dëmtuar dhe as i kërcënuar nga hera e tretë në 15 vite që paraqiten të njëjtat akuza.

Që unë jap nip Peje nga gjyshja dhe nip Drenice nga gjyshi ky është një fakt që e kam pranuar 100 herë. Akuzat ndaj meje kanë marrë përgjigje në këtë studio. Asnjëherë nuk e kam takuar zotin Bellanica. Dashamir Peza tregon që kaseta është marrë nga BBC dhe është transmetuar në mbi 180 vende të botës.

Kurrë asnjëherë nuk kam qenë pjesë e asnjë procesi kundër UCK, asnjë hetimi. Dy hetime kam bërë unë: kam qenë pjesë e tribunalit të Hagës që ngriti akuzën kundër Sllobodan Millosheviçit në vitet ?98-?99. Jam krenar për kontributin tim për të çuar para drejtësisë ?Kasapin e Ballkanit?.
Edhe në Mitrovicë kam hetuar për krimet e serbëve. Këto janë dy hetimet e mia.

Të gjitha akuzat ndaj meje janë gënjeshtra. Fillimisht kam qenë përkthyes për 6 muaj. Kurrë në asnjë çast nuk kam marrë pjesë në asnjë lloj procesi dhe nuk kam patur akses në asnjë dosje që kishte të bënte me UÇK-në. Kjo është e faktuar edhe nga ish-kryeprokurori Williamson?, tha Basha./CNA.al.

 

 





Lajmet e fundit nga