web counter
LEXO PA REKLAMA!

SHKARKO APP

App Store
Google Play

E fundit!

x

Ligji i medias/ Ambasadori Soreca: Koha të nisë konsultimi për draftin e rishikuar

19 Nëntor 2020, 18:09, Politikë CNA

Ligji i shumë diskutuar në publik për kontrollin e mediave online është rikthyer në vëmendje nga Ambasadori i Bashkimit Europian, Luigi Soreca. Gjatë Forumit të gjashtë vjetor për ?Zhvillimin e Medias?, mbajtur nga Prezenca e OSBE-së në Shqipëri, Soreca kërkoi nga Kuvendi që të nisë konsultimet për ligjin e medias, me variantin e rishkuar.

?Është koha tani që të nisë procesi i konsultimit me komunitetin e medias mbi draftamendimet e ligjit të medias dhe të merret parasysh ekspertiza e aktorëve ndërkombëtarë në mënyrë që të sigurohemi që paketa të ketë një impakt pozitiv në lirinë e shprehjes. Koha është shumë e përshtatshme që reporterët të prezantojnë draftin, ne po presim që ta shohim atë,? ? tha Soreca.

Kërkesës së diplomatit evropian, iu përgjigj deputetja socialiste Mirela Kumbaro, njëkohësisht edhe drejtuesja e grupit të punës për rishikimin e ligjit të medias. Kumbaro pohoi publikimin e draftit edhe pse nuk dha një datë konkrete.

?Drafti final do të shpërndahet për konsultime me grupet e interesit, me shoqatat e mediave. Do të shpërndahet së shpejti në ditët në vijim në përputhje me rregulloren e konsultimit publik të kuvendit të Shqipërisë dhe vetëm pas këtyre hapave do të futet në procedurë parlamentare,? ? tha Kumbaro.

Projektligji u hartua dy vite më parë nga shumica socialiste dhe synon që të kontrollojë median online.

Asokohe, pas votimit në parlament, ligji u bllokua nga Presidenti Meta, ndërsa Asambleja Parlamentare e Këshillit të Evropës kërkoi opinion nga Komisioni i Venecias.

Ishte pikërisht opinioni nga ky komision që ?detyroi? qeverinë që rishikonte ligjin./euronews





Lajmet e fundit nga