E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

PD letër Celibashit! Gaz Bardhi ja kërkon teknologjinë Celibashit dhe jo Pelingut!

19 Nëntor 2020, 13:34, Politikë CNA

Gjatë shqyrtimit të amendamenteve të Kodit Zgjedhor, Partia Demokratike kishte një kërkesë që modifikoi numrin e zyrtarëve të punësuar në kohë të plotë në KQZ.

Partia Demokratike shtoi në Kod funksionin e Zëvendëskomisionerit Shtetëror të Zgjedhjeve.

Përtej denominimit bombastik, përsoni që do të emërohej nga Kuvendi në atë post, sipas Kodit Zgjedhor ka kompetenca të plota për hartimin e projekt-akteve deri në sigurimin e teknologjisë në zgjedhjet e 25 Prillit.

Partia Demokratike propozoi si alternativë të preferuar Helga Vukajn për postin e ZëvendësKomisionerit.

Por kandidatura e Vukajt u refuzua nga përfaqësuesit e grupit parlamentar socialist. Si alternativë e dytë u pranua emri i Lealba Pelingut dikur drejtuese e departamentit antikorrupsion të PD.

Zonja Pelingu për shkak të funksionit ka në shërbim gjithë administratën e KQZ dhe posaçerisht njësinë IT të institucionit.

Praktikisht ka në dispozicion kompetemcat e dhëna nga Kodi Zgjedhor posaçërisht për të dhe të njëjtën administratë që ka në dispozicion edhe Celibashi!
Sot Gaz Bardhi i ka drejtuar një letër Komisionerit ku i kërkon llogari për ritmet e ulëta për procesin e sigurimit të teknologjisë në zgjedhje.

Letra nuk konsideron fare zonjën Pelingu, a thua se ajo nuk ekziston dhe i kërkon llogari vetëm Celibashit!

Në kohën kur negociohej për dispozitat për teknologjinë, përfaqësuesi i PD në Këshillin Politik, skandalizonte gjithe dynjanë me instistimin gjatë një dite të tërë negociatash, kur kërkonte që Kodi të sqaronte se si do zhvillohej procedura e prokurimit.

Sot llogaria i kërkohet Komisionerit dhe posti i shtuar nga vetë PD është zhdukur nga fjalori zyrtar i PD.

Cna.al prej ditësh ka denoncuar ritmet dhe procedurat qe po ndiqen në KQZ per plotësimin e kuadrit nënligjor nga Organet e reja të KQZ. Por nga ajo përgjegjësi kur bëhet fjalë për tenderin e teknologjisë, nuk shpëton dot Zëvendëskomisioneri i dalë nga pazari i Pallatit të Kongreseve të PPSH.

Atëhere çfarë di Gaz Bardhi që i kërkon llogari vetëm Komisionerit? Cili është komunikimi midis Zv/komisionetit me Komisionerin deri tani për çështje të teknoligjisë? Çfarë ka kërkuar Zv/Komisionerja nga Komisioneri e që ka hasur në refuzim, që e paska detyruar PD- në që ti nisë letër me kërkesa llogarie?

Aktet nenligjore miratohen tek Komisioni Rregullator. Atje ku PD përfaqësohet nga kandidatja në tentativë per Zv/komisionere, zonja Vukaj.

Pasi siguroi 50 % të përfaqësimit në KQZ, pëe cfarë po bën presion tani PD- ja nëpërmjët letrës së Gaz Bardhit!

Apo dyshojnë që tenderi nuk po shkon në drejtimin e duhur sipas marrveshjes së Pallatit të Kongreseve?/CNA.al