E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandal dhe nepotizëm në FBI-në shqiptare

17 Nëntor 2020, 11:18, Politikë CNA

Në listën e 55 kandidatëve të përzgjedhur, shitës ambulantë, sekretare të Vettingut, ish SHIK-sa, si dhe funksionarë partiak lokal.

Për herë të parë për Byron Kombëtare të Hetimit do të flitej një vit më parë. Pas themelimit të SPAK, FBI-ja shqiptare do të ishte struktura e dytë e cila do ti jepte kuptim reformës në drejtësi dhe luftës ndaj korrupsionit të zyrtarëve.

Pas emërimit të drejtuesit të Prokurorisë së Posaçme, Këshilli i Lartë i Prokurorisë njoftoi fillimin e procesit për përzgjedhjen e drejtuesit të Byros Kombëtare të Hetimit (BKH).

Për strukturat e reja të hetimit, qëllimi është një dhe i vetëm: Funksionimi i institucioneve dhe lufta ndaj korrupsionit dhe krimit të ogranizuar.

Neni 34, i ligjit për SPAK-un, liston kriteret minimale që duhet të plotësojnë kandidatët, ku përfshihet përvoja në punë, arsimimi, dhe sjellja në të shkuarën.

Por në listën përfundimtare janë njerëz të shkarkuar nga detyrat e mëparshme si dhe ata që vijnë nga një profil shumë i ulët karriere.

BKH pritet të ketë në përbërje 60 hetues. Aplikantët për pozicionin e drejtorit dhe hetuesit të BKH-së edhe pse të vetëdijshëm për garën e fortë, nuk e kanë patur aspak të vështirë që të konkurrojnë e të kalojnë procesin e përzgjedhjes pa shumë sfida. Është përcaktuar në ligjin për SPAK-un që në këtë garë do të vlerësohen aftësitë profesionale, integriteti si dhe aftësitë mendore e fizike të konkurentëve.

Byroja Kombëtare e Hetimit ka nisur testimin e 55 kandidatëve të përzgjedhur, për postin e agjentit hetimor. Në listë renditen emrat e atyre që përmbushën kriteret bazë të kësaj gare.

Por pavarësisht transaprencës së treguar nga organet e reja të drejtësisë, dhe kritereve strikte për të na treguar se këtë herë e kanë seriozisht luftën kundër korrupsionit, ngrihen ende pikëpyetje për mënyrën dhe formimin e aplikantëve si dhe përzgjedhjen e konkurrentëve për të qenë pjesë e të ashtëquajturës FBI-ja shqiptare.

Komisioni i Përzgjedhjes në datë 12.10.2020 mbylli procesin e shqyrtimit të aplikimeve fillestare dhe përzgjedhjes së kandidatëve, për fazat e mëtejshme të konkurrimit.

Ai shqyrtoi 653 aplikime, ku u kualifikuan 424 kandidatë dhe 229 prej tyre nuk kaluan fazën tjetër. Kandidatët e kualifikuar, në datë 14.10.2020, i?u nënshtruan testit logjik me shkrim si dhe atij fizik.

Nga kjo krasitje dolën 104 konkurrentë, dhe nga këta vetëm 55 do të vazhdojnë garën për oficer të Byros Kombëtare të Hetimi.

Nga një hulumtim i redaksisë, arritëm të zbulojmë se një pjesë e mirë e konkurrentëve vijnë nga punë të rëndomta ose në konflikt me kriteret e vendosura .

Në listën e 55 kandidatëve që është bërë zyrtare, renditen emrat e një shitësi ambulantë , një SHIK-si në konflikt të hapur interesi, punonjës partiak si dhe zyrtarë shteti të shkarkuar nga detyrat.

Alteo Nazeraj, i renditur i 44-ti në listë, figuron si i shkarkuar në 2019 nga pozicioni i drejtorit të Kadastrës në Vlorë.

Denisa Kosta renditet e 52-ta në listë, ish-sekretare gjyqësore pranë KPK (Komisionit të Pavarur të Kualifikimit).

Gjithashtu edhe kolegia e saj, Anisa Duka e 12-ta në listë, vjen në këtë konkurs me eksperiencën e sekretares gjyqësore pranë shkallës së parë të Vettingut.

Loris Dervishi, i 10-ti në listë. Ish-punonjës i SHISH, si dhe bashkëshorti i anëtares së Gjykatës Kushtetuese, Fiona Papajorgji. /CNA.al