web counter
LEXO PA REKLAMA!

SHKARKO APP

App Store
Google Play

E fundit!

x

Berisha zbulon “skenarin”/ Ja pse kërcënoi me luftë Aleksandër Vuçiç, çfarë fshihet pas heshtjes

16 Nëntor 2020, 21:20, Politikë CNA

Ish-kryeministri Sali Berisha ka folur mbrëmjen e sotme për kërcënimin me luftë të presidentit të Serbisë Aleksandër Vuçiç.

Berisha tha se Vuçiç kërcënoi shqiptarët, pasi pretendon se dërgimi i Hashim Thaçit në Hagë dhe dorëheqja e këtij të fundit, i ka prishur planet për të marrë toka në Kosovë.

Ai deklaroi në Ora News së kryeministri Edi Rama po hesht, pasi sipas tij, është dakord me deklaratën e presidentit serb.

?Vuçiç për herë të parë bëri fjalë për luftë kundër Kosovës, nuk e analizuan njerëzit këtë. Po kaq sa domethënëse ishte kërcënimi, po kaq domethënëse ishte heshtja e argatit të tij në Tiranë.

Heshtja ishte e kordinuar. Pse? Çfarë ndodhi? Vuçiç me përfundimit në Hagë të Miladimit shqipfolës të Prishtinës, iu varros përfundimisht projketi i gllabërimit të tokës së Kosovës, nëpërmjet argatëve të tij në Tiranë dhe Prishtinë.

Pra, me ndihmën e këtyre të dyve, ky skenar iu varros, dhe tani si hakmarrje kërcënon se planin do ta bëjë me luftë. Heshtja nuk mund të kishte në mënyrë absolute asnjë kuptim tjetër, veçse kordinimin të kësaj deklarate?, theksoi Berisha./ CNA.al





Lajmet e fundit nga