E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Video-Sekretari i Bashës zv.ministër i Ramës/ Murrizi zbulon “lojën” politike: Këta bëjnë atë që s’thuhet

16 Nëntor 2020, 19:03, Politikë CNA

Deputeti Myslim Murrizi, ka mbajtur një fjalim të fortë ditën e sotme në Parlament, ku foli për lojën politike të partive kryesore në vend, duke marrë shkas nga ngjarjet që kanë ndodhur ditët e fundit.

Murrizi përmendi deklaratat e PD-së për shoqërimin e ish-deputetit Kastriot Islamit dhe emërimin e sekretarit të Lulzim Bashës Besart Kadia si zv.ministër i financave në qeverinë Rama.

Ai tregoi edhe një bisedë që kishte bërë me një të moshuar ditën e djeshme në Myzeqe, i cili i kishte thënë se politikanët shqiptarë ditën zihen e natën bëjnë atë që nuk thuhet.

Deklarata e plotë:

Në fakt koha ishte që të bëhej një ligj për partitë politike, një ligj real. Amendamenti i sotëm i ardhur nga zonja Hysi, me gjithë respektin për zonjën Hysi është një hall i pazgjidhur i 5 qershorit të famshëm, ku në fakt këtë sillte, lekë për partitë politike. Një komision më tepër t?ja hiqte Mediut dhe t?ja jepte Monikës dhe një tender që nuk e di, nuk e shikoj gjëkund në horizont, 15 milion euro për të dërguarin e Lulit me nominim të Oertit në KQZ-në e re të Celibashit të vjetër.

E vërteta është që Shqipëria ka një parti nga ?41-shi e krijuar nën kujdesin e Miladinit e Dushanit, ndërroi duar në ?45-?48 nga Koçi te Enveri, pastaj nga Enveri te Ramizi në ?85-ën, nga Ramizi te Nano në ?91-shin, nga Nano tek Rama në 2005-ën. Ka dhe një parti që lindi në dhjetor të ?90-ës nga revolta kundër 45 viteve skamje por ky shpejt u grabit nga pasardhësit e Partisë së Punës që kapërcyen ylberin dhe u gdhinë si antikomunistë me bindje dhe formim marksist-stalinist.

136 parti politike të regjistruara në Gjykatën e Tiranës janë treguesi më i mirë i forcave reale që qeverisën në 30 viteve post komunizëm se çfarë bolshevizmi mbartin me vete forcat kryesore politike që kanë qeverisur këtë vend jo nga ?45-sa por nga ?90-ta dhe këtej. Filozofia e tyre ka qenë, të shpallim armik sa më shumë brenda vetes që të monopolizohet pushteti absolut i çdo subjekti politik nga një grusht i vogël që komandojnë partitë politike dhe ky grusht i shndërrua nga një njeri i vetëm pas 21 prillit të 2008-ës që është kryetari i partisë.

Ju e keni mbushur, ata që kanë qenë në këtë sallë kanë krijuar një parti tjetër dhe të tjerët janë armiq imagjinarë të partisë tuaj. Ne që i përkasim brezit që dhe unë si mijëra e mijëra shqiptarë të tjerë isha në ?90-ën për të përmbysur partinë paraardhëse në garë të hapur me ju për të gjetur grupe armiqësore më shumë sesa gjetët ju në 45 vite.

E gjithë bota duartrokiti kur Putini shkoi takoi Bushin. Dy filozofi, dy botë të kundërta. Ju mblodhët kryesinë dhe shpallët një apo dy deputetë armiq pse takuan Blushin. PD ka tri ditë që është ngritur në këmbë për Islamin, para 6 javësh shpalli armik Rusmajlin, ju punësuat Besart Kadinë, ata nxorën letrën që thanë e kemi shpallur armik. Ju morët disa ministra të PD, një e çuat në OSBE, një kandidat për në BE, dy i strehuat në Bankën e Shqipërisë, atje ku shumica e atyre që kanë qenë këtu mbrapa kanë fëmijët e punësuar me rroga tre herë më të mëdhaja se deputetët.

Ata kanë emëruar drejtues fushatash elektorale, drejtues qarqesh politikë, sekserët e juaj në ?97-2005 te ndërmarrja e famshme e dritave, e KESH-it. E gjithë kjo panoramë e pështirë dhe ky teatër palaçosh prej 30 vitesh e ka zanafillën tek filli i kuq bolshevik që përshkruan çdo parti politike shqiptare sepse prej 30 vitesh post komunizëm partitë politike shqiptare janë drejtuar nga komunistë që kapërcejnë ylberin. Nuk shkëputen dot dhe nuk ndërrojnë dot shpirtin pse ndërron një copë letër në xhep, madje në pushtetet të alternuara PD-LS PS-LSI hallexhinjtë e administratës po t?i ngresh me këmbë përpjetë dhe po t?i varësh me kokë poshtë ju zbrazen nga xhepat 3-4-5 testera partie, kanë të PS, kanë të PD, kanë të PDIU, kanë të LSI, kanë të PBDNJ-së sepse është kthyer në mjet për të ndenjur dhe për të mbajtur atë karrigen e vendit të punës.

Partitë politike shqiptare nuk janë demokratike. Askush! Një parti që tallet me garën e atyre që do të përfaqësojnë vullnetin e sovranit. Ai nga 4600 nxjerr 160, ju nga 16 mijë merrni zëdhënësa?, 16 mijë keni kandidat për kandidat, për deputet, merrni zv.ministër një sekretar të Lulit e çoni te qeveria, kjo është një lojë pragmatiste e dy tufave që i ka ndarë rrota e qerres në mes.

Me të drejtë, një plak i mençur në Myzeqe dje më tha e di si është lufta politike në Shqipëri mor bir. He xha Qerimi i thashë, mund ta njohë edhe Eglantina. Mesa shoh xhaja tha, këta gjithë ditën zihen e gjithë natën bëjnë atë që s?thuhet. Kjo është e vërteta dhe ky duhet të ishte një ligj real për të demokratizuar edhe partitë politike, nëpërmjet tyre i bëjmë nder edhe shqiptarëve sepse demokratizonim jetën politike, jetën publike, jetën shtetërore të 5 milion shqiptarëve nga të cilat tre pa pak janë këtu dhe dy milion e pak kanë ikur vetë në Europë nga sytë këmbët, pa pritur që politika e pistë e 30 viteve post-komunizëm dhe hipokritët e kësaj salle që kanë drejtuar këtë politikë, që realisht nuk e kanë dashur Europën, t?i fusin në Europë.

Ndaj, do të ishte mirë të kishte kurajo, meqë parlamenti nuk është në stojcizmin historik 30 vjeçar që çfarë thua ti nuk e dua unë dhe çfarë themi ne nuk e doni ju, të bëhej ligj real politik për partitë politike shqiptare që të mos kishin as 70 parti fantazma as mbushej regjistri i Gjykatës së Tiranës me parti që në 30 vite post-komunizëm kanë marrë më pak se 1/3 e firmave që kanë depozituar për t?u regjistruar si parti politike./ CNA.al