web counter
LEXO PA REKLAMA!

SHKARKO APP

App Store
Google Play

“Nuk i besoj Bashës”/ Balla: Është e sigurtë që e ka marrë atë kasetë

16 Nëntor 2020, 22:31, Politikë CNA

Kryetari i grupit parlamentar të Partisë Socialiste, Taulant Balla, ka vijuar me akuzat ndaj kryetarit të opozitës Lulzim Basha, lidhur me raportin e Dick Marty.

Balla tha se nuk i beson Bashës, por i beson Milaim Bellanicës, dëshmitarit të masakrës së Krushës së Madhe.

?Unë nuk mendoj që Milaim Bellanica gënjen. Jam shumë i bindur në atë që ka ndodhur dhe mund të them se i kam publikuar deklarimet e banorëve në 24, 25, 26 mars kur ishte përvjetori i masakrës?, u shpreh ai në emisionin ?Opinion?.

Numri 2 i PS-së deklaroi me bindje se Lulzim Basha e ka marrë kasetën me filmimet, ku serbët kanë hyrë në fshat, kanë bërë fjalime në serbisht dhe kanë bërë masakra.

?Është Lulzim Basha ai që përpara se të punonte për UNMIKU-n ka punuar për njësinë që ka pararendur krijimin e UNMIK-ut? Prej janarit të vitit 1909, Kombet e Bashkuara kanë krijuar një njësi speciale, që kanë siglat e OKB dhe që kanë filluar mbledhjen e fakteve të krimeve të luftës në Kosovë. Lulzim Basha është njeriu që mund të sqarojë, përpara se të punonte për UNMIK a ka punuar për ndonjë agjenci tjetër të Kombeve të Bashkuara. Ajo që është e sigurtë është që Lulzim Basha e ka marrë atë kasetë.

E dyta, që është më e rëndësishme se kaq, Bellanica thotë diçka tjetër. Në kasetën e Milaim Bellanicës ka filmime kur serbët kanë hyrë në fshat dhe kanë bërë fjalime në serbisht e madje kanë bërë masakra. Ajo që ju publikuat është çfarë ka mbetur. Unë ndërmjet Lulzim Bashës dhe Milaim Bellanicës, besoj Melaim Bellanicën?, theksoi Balla./ CNA.al





Lajmet e fundit nga