web counter
LEXO PA REKLAMA!

SHKARKO APP

App Store
Google Play

E fundit!

x

“Ekonomia po falimenton”/ Basha: Rama e shpenzon kohën duke cicëruar gënjeshtra

17 Nëntor 2020, 16:36, Politikë CNA

Kryetari i Partisë Demokratike, Lulzim Basha, ka reaguar për menaxhimin e pandemisë së koronavirusit dhe  akuzat që kryeministri Edi Rama ka ngritur ndaj tij për raportin e Dick Marty.

Basha deklaron se Rama po shpenzon të gjithë kohën duke cicëruar gënjeshtra kundër tij, por thekson se ekonomia jonë po falimenton.

Duke cituar të dhënat krahasimore nga Fondi Monetar Ndërkombëtar, kreu i opozitës thotë se në Shqipëri është ekonomia më e nënfinancuar e Ballkanit Perëndimor.

Sipas tij, kreu i qeverisë i ndan paratë e taksave me miqtë e tij, ndaj nuk i jep ndihmë financiare qytetarëve që po vuajnë nga kriza e Covid-it.

?Për 7 vite rresht Rama e ka shkatërruar ekonominë. Mijëra dyqane dhe njësi shërbimi si biznesi i Artan Muratit po vuajnë rënien e fortë të xhiros. Bizneset e vogla po marrin kredi për të mbaJtur hapur derën. Prej muajsh nuk nxjerrin asnjë fitim. Vendet e punës i kanë shkurtuar. Komunitetet rreth tyre janë varfëruar më shumë.

Kanë pritur që qeveria t?i ndihmojë një herë të vetme, siç kanë paguar taksat rregullisht. Por Edi Rama nuk ka kohë për problemet e shqiptarëve që e nxjerrin vetë bukën e familjeve të tyre. Edi Rama nuk ka as para për bizneset që mbajnë me bukë familjet e komuniteteve të tyre. Sepse taksat që mbledh prej tyre, Edi Rama i ndan me miqtë e tij.

Kjo është arsyeja pse Rama nuk u jep ndihmë financiare qytetarëve që po vuajnë nga kriza e COVID-it. Ne do ta ndryshojmë këtë gjendje. Ne do të kujdesemi për biznesin, do të kujdesemi për të vetëpunësuarit, do të kujdesemi për të gjithë qytetarët dhe do të japim ndihmë financiare për çdo qytetar. Ne do të sjellim shpresë për Shqipërinë?, shkruan Basha në rrjetet sociale./ CNA.al





Lajmet e fundit nga