web counter
LEXO PA REKLAMA!

SHKARKO APP

App Store
Google Play

Arlind Çaçani deklaratë të fortë/ Numri i viktimave është 3-fish më i lartë sesa raportohet

17 Nëntor 2020, 18:48, Politikë CNA

Deputeti i opozitës parlamentare, Arlind Çaçani, ka bërë një deklaratë të fortë lidhur me situatën shëndetësore në vend.

Çaçani pretendon se në Shqipëri numri i viktimave nga koronaviruri është 3-fish më i lartë nga sa raportohet nga ministria e Shëndetësisë.

Kjo sipas tij, sepse autoritetet raportojnë vetëm humbjet e jetëve në spitale. Deputeti thotë se ka informacione që numri është 3-fish më i lartë, për shkak se shumë të moshuar po humbin jetën në shtëpi.

?Kam bindjen e plotë që numri i viktimave shkaktuar nga koronavirusi është 3-fish më i lartë nga sa raportohet. Ministria e Shëndetësisë raporton vetëm humbjet që ndodhin në spitale. Por nga informacionet që kam numri është 3-fish më i lartë, për shkak se shumë të moshuar po humbin jetën në shtëpi.

Gjej rastin t’i bëj thirrje Ministrisë së Shëndetësisë dhe organeve të tjera të menaxhimit të krizës që të gjurmojnë humbjet e tjera kudo ndodhin nëpërmjet mjekut të familjes apo ekipeve të specializuara, për të qenë sa më të qartë me situatën dhe marrjen e masave të mëtejshme për përballimin e krizës. Duhet parë mundësia e disa kufizimeve të tjera pasi situata është tejet e rënduar?, shkruan ai në rrjetet sociale, ndërkohë që paralajmëron se për këtë çështje do të flasë edhe në seancën parlamentare të radhës./ CNA.al





Lajmet e fundit nga