web counter
LEXO PA REKLAMA!

SHKARKO APP

Takoi një deputet të infektuar/ Boris Johnson futet në karantinë

15 Nëntor 2020, 21:38, Kosova & Bota CNA

Kryeministri i Britanisë së Madhe Boris Johnson është vetëizoluar pasi takoi një deputet të infektuar me Covid-19.

Pavarësisht se nuk ka asnjë simptomë, BBC raporton se Johnson vendosi të karantinohet sërish.

Ai zhvilloi një takim rreth 35 minuta me deputetin e Ashfield Lee Anderson i cili më pas ka rezultuar pozitiv.

Kryeministri është njoftuar sot nga NHS Test dhe atij i kërkohet të izolohet si një kontakt i dikujt që ka rezultuar pozitiv me Covid-19. Kryeministri do të ndjekë rregullat dhe po izolon vetveten.

Ai do të vazhdojë të punojë nga Downing Street, përfshirë edhe drejtimin e reagimit të qeverisë ndaj pandemisë së koronavirusit. Kryeministri është mirë dhe nuk ka ndonjë simptomë të Covid-19″, tha një zëdhënës i kryeministrit britanik.

Kujtojmë se në muajin mars të këtij viti, Boris Johnson u infektua me Covid-19 dhe u dërgua me urgjencë në spital, pasi gjendja e tij shëndetësore u përkeqësua. Pas disa javësh, ai fitoi betejën me virusin e padukshëm dhe u kthye në krye të detyrës./ CNA.al





Lajmet e fundit nga