web counter
LEXO PA REKLAMA!

SHKARKO APP

App Store
Google Play

E fundit!

x

Tragjedi në Rumani/ Spitali Covid përfshihet nga flakët, humbin jetën 10 pacientë, 7 në gjendje kritike

15 Nëntor 2020, 07:30, Kosova & Bota CNA

Të paktën dhjetë pacientë humbën jetën mbrëmjen e kësaj të shtune në Rumani ndërsa shumë të tjerë janë në gjendje kritike pasi një spital Covid u përfshi nga flakët.

Raportohet se zjarri ka rënë në njësinë e kujdesit intensive.

?Dhjetë persona kanë humbur jetën dhe shtatë të tjerë ndodhen në gjendje kritike? përfshirë edhe një mjek, njoftoi zëdhënësja e spitalit, Irina Popa.

Tetë nga viktimat e humbën jetën nga flakët ndërsa dy të tjerë u shpallën të vdekur pasi u evakuuan. Mjeku në detyrë, që u përpoq të ndihmonte viktimat, pësoi djegie të shkallës së dytë dhe të tretë në 80 përqind të trupit të tij, tha shërbimi i shpëtimit.

Shkaku i zjarrit mbetet i paqartë ndërsa prokurori i përgjithshëm hapi një hetim mbi ngjarjen e rëndë. Ministria e shëndetësisë sugjeroi që zjarri mund të ishte shkaktuar nga një qark i shkurtër elektrik.

Kjo tragjedi ka ndodhur në kohën kur ky vend është goditur rëndë nga vala e dytë e coronavirusit, ku rastet ditore me pacientë të rinj me COVID-19 dhe atyre që kanë humbur jetën janë shumë të mëdha./CNA.al





Lajmet e fundit nga