web counter
LEXO PA REKLAMA!

SHKARKO APP

App Store
Google Play

E fundit!

x

Rekord i zymtë në SHBA/ Shifra të larta të infektuarish dhe të shtruarish në spitale

13 Nëntor 2020, 19:48, Kosova & Bota CNA

Shtetet e Bashkuara, vendi i prekur më rëndë nga koronavirusi, numërojnë tani mbi 10 milionë e 560 mijë të diagnostikuar me këtë virus.

Dje në vend u shënua një tjetër rekord i zymtë ? mbi 150 mijë raste të reja me koronavirus, duke kapërcyer rekordin e së mërkurës me më shumë se 144 mijë raste të reja. Po dje u thye edhe numri rekord i të shtruarve në spital, me mbi 67 mijë pacientë që kurohen për COVID-19, ose 1700 më shumë se një ditë më parë, ndërsa u regjistruan 1 mijë e 104 viktima nga sëmundja.

Shifrat e reja e çojnë në mbi 242 mijë totalin e të vdekurve nga COVID-19. Kalifornia arriti sot mbi një milion të infektuar me koronavirus, shteti i dytë pas Teksasit me numrin më të lartë të të prekurve, raporton VOA.

Në shkallë globale, Italia u bë vendi i dhjetë që kap numrin e 1 milion të diagnostikuarve me koronavirus. Pas Shteteve të Bashkuara, India dhe Brazili kanë shifrat më të larta të infeksioneve, Franca renditet në vend të katërt.





Lajmet e fundit nga